Македонија
АВМУ: Вработувањата се итни и неодложни и се во согласност со Изборниот законик
Агенцијата за медиуми потврди дека ангажирала двајца правници по распишувањето на изборите, но тврди дека вработувањата се во согласност со Изборниот законик, кој, како што велат, предвидува дека може да се почнуваат постапки за вработување во случај на итни и неодложни работи.
„Потврдуваме дека врз основа на претходно поднесено барање од Секторот за правни работи, ангажирани се двајца правници. Воедно, информираме дека кога беа распишани изборите на 8 февруари, ангажирани се и 7 соработници за мониторинг на програмите, а по почнување на кампањата на 1 април дополнително ќе бидат ангажирани уште 15-ина соработници“, соопштија од Агенцијата за аудио и аудиовизуелни медиумски услуги.
Од таму додаваат дека немаат доволно човечки ресурси за спроведување на надлежностите и обврските утврдени со Изборниот законик поради што со години за време на изборни циклуси ангажирале надворешни соработници за мониторинг на програмите како и за изготвување мерки за констатираните прекршувања. Како пример ги посочуваат локалните избори во 2017 кога биле ангажирани 24 лица, од кои 3 правници, и тоа се спровело преку Агенцијата за привремени вработувања.
Претходно, антикорупциската комисија најави дека отвора предмет за можна корупција во политиката кога дознале дека двајца правници се вработиле во Агенцијата за медиуми по распишувањето на изборите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„ДКСК да покрене постапка против Битиќи, бара од фирмите на кои им исплаќал државна помош да гласаат за него“, вели ВМРО-ДПМНЕ
„ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче. По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката“, велат од ВМРО-ДПМНЕ.
„Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот.
ДКСК не смее да чека, да отвори случај и да се отвори постапка и пред другите институции.
Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност“, соопшти ВМРО-ДПМНЕ.
Македонија
Променливо облачно и нестабилно со пороен дожд и грмежи
Времето денеска ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени.
Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен.
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Во сабота ќе дува засилен северен ветер.
Македонија
Нема подолги задржувања за влез и излез од државата
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.