Спорт
Реал се намачи со Милано, Жалгирис со драматична победа во Тел Авив
Актуелниот шампион од Евролигата, Реал Мадрид се намачи со Армани Милано за на крај да стигне до 92:89 победа во 27. коло од Евролигата.
Гостите имаа фантастично прво полувреме, а посебно прва четвртина и на одмор отидоа со 56:50 предност, пред „кралскиот клуб“ да се врати и да ја забележат 21. победа оваа сезона со што останаа на третото место зад Фенербахче и ЦСКА Москва.
Жалгирис пак, направи фантастичен кам-бек во третата четвртина за трилер 85:83 победа над Макаби Тел Авив за да ги заддржат шансите за пласман во плеј-офот. Артурас Миланкис со тројки на 1:40 пред крајот беше клучна, бидејќи двата тима не успеаја да постигнат поени сѐ додека Томас Валкап на 10 секунди не искористи две слободни фрлања за да ја обезбеди победата за литванскиот клуб.
Лео Вестерман ги предводеше гостите со 16 поени, Валкап додаде 14, а Брендон Дејвис и Мариуш Григонс имаа по 12 поени, додека за Макаби Тарик Блек и Скоти Вилбекин имаа по 18 поени. Жалгирис сега има 12-15 скор, со што се израмнети со Макаби, но двата тима заостануваат две победи зад осмото место, последно кое носи во плеј-офот.
ЕВРОЛИГА, 27.КОЛО
Дарушафака – Химки 91:85 (17:23, 31:23, 15:19, 28:20)
Панатинаикос – Басконија 72:70 (26:10, 22:17, 8:21, 16:22)
Макаби Тел Авив – Жалгирис Каунас 83:85 (23:19, 22:17, 14:21, 24:28)
Реал Мадрид – Армани Милано 92:89 (19:33, 31:23, 24:19, 18:14)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).