Регион
Ловриќ: Србија нема причина да се чувствува загрозена од Хрватска
Вооружените сили на Хрватска претставуваат гарант на мирот и стабилноста во регионот, но и во глобалното опкружување, изјавил хрватскиот генерал Драго Ловриќ, пренесуваат хрватските медиуми.
Вооружените сили на Хрватска претставуваат гарант на мирот и стабилноста во регионот, но и во глобалното опкружување, изјавил хрватскиот генерал Драго Ловриќ, пренесуваат хрватските медиуми.
Хрватскиот генерал додал дека хрватската војска, преку учеството во Американско-јадранската повелба (А5), во кој како набљудувач е вклучена и Србија, настојува на државите од југоисточна Европа да им пружи поддршка и да ги приближи до стандардите во исполнувањето на евроатланските интеграции.
Ловриќ, како реакцијата на последните изјави од страна на српските власти околу можната набавка на „балистички“ ракети, рекол дека ниедна држава, па така нити Србија, нема причина да се чувствува загрозена.
„Никој во Хрватска не гледа на хрватската војска како на институција која за мисија има проекција на сила во опкружувањето. Нашите темелни стратшки определби и нашите доктрини се насочени кон одбрана на татковината и сметам дека ниедна држава, па така нити Србија, нема причина да се чувствува загрозена. Хрватска ниедна држава не доживува како непријател и не сака другите да ја перцепираат како закана или непријател“, навел Ловриќ.
Српскиот премиер Александар Вучиќ, пак, неодамна изјави дека доколку некој во опкружувањето купува ракети, тогаш Србија ќе мора да пронајде одговор на ова./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.