Македонија
Агенцијата за филм исплаќала пари за незавршени филмови и со нецелосни банкарски гаранции
Државниот ревизор констатирал низа неправилности при работата на Агенцијата за филм за 2017 година. Во Извештајот за сметката на основниот буџет пишува дека биле ангажирани 5 надворешни соработници без да биде склучен договор со што би биле уредени обврските и правата на двете договорни страни. Истата година не е поднесено ниту едно барање до Министерството за кулутра за добивање согласност за вработување.
Во ревизијата е нотирано и дека во согласност со Законот за филмска дејност, филмскиот продуцент пред склучување на договорот во соодветен рок треба да достави банкарска гаранција во висина од 25% од износот на средства кои ги исплаќа Агенцијата. Според наодите, на продуцентите им било овозможено динамиката на исплата на средства за филмот да соодветствува со банкарската гаранција, односно банкарската гаранција да ја доставуваат на рати според фазите на исплата на средства од Агенцијата.
Ревизорите констатирале дека иако е утврдена точна динамика за реализација на филмовите, сепак, кај два долгометражни и еден документарен филм продуцентите не се придржувале кон утврдената динамика. Филмовите кои требало да бидат заврешни до крајот на 2017 година, според доставената документација, сè уште биле во фаза на постпродукција.
„Кај два долгометражни филмски проекти изврешна е исплата на 90% од одобрениот износ на реализација на проектите, при што на ревизијата не ѝ беше презентиран доказ дека продуцентот ја има доставено финалната верзија на филмот за одобрување на најавната и одјавната шпица со јасно истакнато име и лого на Агенцијата…“, пишува во наодите на извештајот.
Во ревизијата пишува дека кај два долгометражни филмови исплатени се 100% од одобрениот износ иако во моментот на исплатата кај едниот филм не е изготвен извештај за наменски доделените средства и не е предадена финална копија од филмот во Кинотеката на Македонија. „Финалната копија е предадена два месеца по извршената исплата, а конечен извештај до денот на ревизијата не е изготвен“, е нотирано во ревизорскиот извештај.
Кај друг долгометражен филм со македонски малцински удел на ревизијата не ѝ биле приложени склучени договори со сите учесници што имаат удел во филмот, туку само еден договор помеѓу копродуценти од три земји.
Продуцентот на еден долгометражен игран филм не доставил наративен и конечен финансиски извештај за наменско трошење на средствата со спецификација на трошоци. Одговорноста за ревизорскиот извештај како што е наведено, е на поранешната директорка Мими Ѓорѓоска-Илиевска и на директорот Горјан Тозија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Ѓорче Петров, Кисела Вода, Аеродром и Чаир денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, без напојување со електрична енергија ќе останат:
– од 09:00 до 10:30 часот, корисниците од дел од с. Кучково. (Општина Ѓорче Петров)
· од 09:00 до 12:00 часот, корисниците од улиците: Ѓорѓи Сугаре, Михаил Чаков и Петар Делјан. (Општина Кисела Вода)
· од 09:00 до 13:00 часот, корисниците од улиците: Хаџи Трајко, Горноврановска, Лисец, Божин Николов Силни и Горно Лисиче. (Општина Аеродром)
· од 09:00 до 16:00 часот, корисниците од улиците со бр. 44, 46, 54, 62, 64 и 66 во нас. Кисела Јабука. (Општина Ѓорче Петров)
· од 11:00 до 13:00 часот, корисниците од дел од објектите во Касарната Илинден (во близина на АКВАДУКТОТ). (Општина Чаир)
Македонија
Променливо облачно со повремени локални врнежи од дожд
Времето денеска ќе биде променливо облачно, во западните делови со повремени локални врнежи од дожд. Ќе дува слаб до умерен ветер од јужен и југоисточен правец. Минималната температура ќе биде во интервал од 3 до 8, а максималната ќе достигне од 14 до 20 степени.
Во Скопје, променливо облачно со сончеви периоди. Ќе дува слаб до умерен ветер од југоисточен правец. Минималната температура ќе се спушти до 6, а максималната ќе достигне до 18 степени.
Времето во наредните денови
Од денеска следува период на променливо облачно и нестабилно време со повремени локални врнежи од дожд. Наместа ќе има услови за појава на грмежи. Ќе дува умерен, повремено засилен јужен ветер.
Македонија
Муцунски и Марта Кос зборуваа за македонското ЕУ досие
На маргините на состанокот на Советот за надворешни работи на Европската унија, кој се одржува во Луксембург, министерот за надворешни работи и надворешна трговија, Тимчо Муцунски, оствари средба со комесарката за проширување на Европската унија, Марта Кос.
На средбата се разговараше за актуелниот статус на македонското ЕУ-досие, заемната посветеност за надминување на актуелните предизвици и неопходноста од забрзување на евроинтегративниот процес.
Заеднички беше потврдена посветеноста на Владата кон реформската агенда и целосната усогласеност со Заедничката надворешна и безбедносна политика на Унијата, што претставува силна потврда за стратешката ориентација на државата и трасира кредибилен и веродостоен пат кон полноправно членство во ЕУ.
На средбата стана збор и за трагедијата што неодамна се случи во Кочани, при што министерот Муцунски изрази благодарност за поддршката што Европската унија ја покажа – како преку директната помош од земјите членки, така и преку брзото активирање на Европскиот механизам за одговор на кризи.
Во рамки на работната посета на Луксембург, на покана на високата претставничка за надворешна и безбедносна политика на Европската унија и потпретседателка на Европската комисија, г-ѓа Каја Калас, министерот Муцунски вечерва ќе учествува на неформалниот состанок на Советот за надворешни работи на ЕУ, во формат на министри за надворешни работи на земјите-членки и земјите од Западен Балкан.
Полицијата го пронајде девојчето кое вчера се оддалечило од дома
Полициски службеници од СВР Скопје го пронајдоа малолетното девојче од село Кадино, скопско за кое вчера едниот родител во Полициска...
Судот изрече притвор за четири лица од проширената истрага за пожарот во „Пулс“
Судот на четири лица им изрече мерка притвор во траење од 30 дена, за шест лица куќен притвор и мерки...
Таравари: Политиката не треба да биде средство за личен комодитет, туку служба за народот
Претседателот на Алијанса за Албанците, Арбен Таравари, преку статус на Фејсбук порача дека никогаш не чувствувал завист за власта, иако...
Во Свети Николе затекнат локал на нива: вработените непријавени, објектот дивоградба, без план за евакуација
Полицијата во соработка со инспекторите и претставници на локални институции изврши контрола на угостителски објект во Свети Николе сопственост на...
Граѓаните биле под потенцијална загрозеност во сите дискотеки, рече Коцевски
Доказите упатуваат на суштински пропусти кај раководната структура во Дирекцијата за заштита и спасување. Ова го истакна државниот обвинител Љупчо Коцевски...
Актуелниот министер за економија не е опфатен со истрагата за „Пулс“ оти немало ново барање за лиценца
Актуелниот министер за економија не е опфатен со истрагата оти нема никаков доказ дека сопственикот на клубот „Пулс“ иницирал лиценца...
Поранешни министри и директори меѓу новоосомничените за пожарот во „Пулс“, се бара притвор за четири лица
За четворица од новоосомничените за пожарот во Кочани Обвинителството бара притвор, за седум мерка куќен притвор во комбинација со забрана...
Пожарникарите во изминатото деноноќие гаснеа седум пожари на отворено
Во последното деноноќие имало седум пожари на отворени, а пожарникарите гаснеле, паралелно и други пожари во населени места и сите...
Црвено светло за Украина од Мерц: Не може НАТО и ЕУ додека е во војна
Можноста Украина да влезе во Европската унија и НАТО може да се разгледа само по завршувањето на борбите, вели Фридрих...
Се’ уште се трага по исчезнатото лице од Степанци, 80 лица се вклучија во потрагата
Исчезнато повозрасно лице од селото Степанци во Општина Штип не е пронајдено, иако вчера во потрагата се вклучија околу 70...
Уништени 1.230 килограми небезбедна храна пред Велигден, изречени се казни
Официјалните ветеринари и инспекторите за храна на Агенцијата за храна и ветеринарство (АХВ) спроведуваат вонредни засилени контроли пред велигденските празници....
(Видео) Хамас објави видео од израелски заложник што го држи во Газа
Хамас објави видео во кое се тврди дека го прикажува израелско-американскиот заложник Едан Александар, кој е држен во Газа откако...
(Видео) Граѓани со часови се заглавени во подземниот паркинг на ГТЦ оти автоматите за наплата не работат, а службите се отстутни
Вистински хаос се случува попладнево во подземниот паркинг на ГТЦ. Вознемирени граѓани кои се обратија до нашата редакција велат дека...
Во странство се лекуваат 48 повредени од кочанската дискотека, нема планирани исписи за викендов
Министерството за здравство информира дека не се планирани исписи од странски медицински центри за викендов и во моментот се лекуваат...
(Видео) Стартува „One stop shop“ на граничниот премин Долно Блаце-Елез Хан
На граничниот премин Долно Блаце – Елез Хан профункционира заедничката гранична контрола (One Stop Shop). Со нова физичка и дигитална...
(Видео) Костова: Срамно се редефинира потрошувачката кошничка, папаја за владата – трошки за народот
Скандалозни се последните најави на Владата со кои сака да ги искриви реалните пресметки на потрошувачката кошничка, кажа денеска на...
(Видео) Манасиевски: Системот на Венко Филипче го урниса здравството
Венко Филипче ја постави Пановска за директор за да дава тендери на татко и, тој нема кредибилитет, да си поднесе...
(Видео) Ристова: Откриваме нов скандал – пазарот во Неготино од 17 тони железо прикажан како „урбана опрема“
Пазарот во Неготино е изграден без соодветно одобрение за градење, а се води како „поставување на урбана опрема“, обвини денеска...
Во тек е акција за апсење на повеќе лица во рамки на истрагата за пожарот во Кочани
По наредба на јавен обвинител во тек е акција за приведување на повеќе лица, а во насока на проширување на...
(Видео) Хаос во Србија: полицијата за раце и нозе влечеше луѓе кои ги блокираа автобусите за митингот на Вучиќ
Посериозен конфликт меѓу полицијата и граѓаните во Нови Пазар се случи откако студентите, според информациите од социјалните мрежи, го блокирале...
