Спорт
ФК „Работнички“ во јуни ќе го организира кампот „Реал Мадрид клиник“
![](https://makfax.com.mk/wp-content/uploads/2019/04/real-madrid-clinics.jpg)
Фудбалскиот клуб „Работнички“ потпиша договор за соработка со „Реал Мадрид фондација“ и организација на фудбалски камп „Реал Мадрид фондација клиник“ од 17 до 21 јуни во тренинг базата на клубот. Ова ќе биде прекрасна можност за младите фудбалери од академијата на ФК „Работнички“ да бидат дел од „кралското друштво“.
Фудбалските кампови на „Реал Мадрид фондација клиник“ нудат уникатна и возбудлива можност да се доживее специјализирана фудбалска обука, доведувајќи ги нивните експертски тренери од најуспешниот светски фудбалски тим.
„Среќни сме што почнуваме соработка со ‘Реал Мадрид фондација’ и што младинската академија на ФК ‘Работнички’ ќе биде дел од проектот во Македонија. Младите фудбалери ќе добијат фантастична можност да ги подобрат фудбалските вештини според принципите на „Реал Мадрид фондација клиник“. Тренерскиот тим на академијата на ФК ‘Работнички’ ќе работи според уникатниот пристап и методите за обука на ‘Реал Мадрид фондација клиник’ и ќе има можност за големо усовршување. Се надеваме дека соработката ќе биде долготрајна и успешна“, вели спортскиот директор на ФК „Работнички“, Иван Поповски.
Програмата на „Реал Мадрид фондација клиник“ ќе се реализира во соработка со лиценцираниот партнер „Еуро спорт арена“, кој досега организираше два кампа Real Madrid Campus Experience.
„Чест ни е што имаме можност да одиме едно скалило погоре и во Македонија да реализираме и проект со фудбалските клубови и школи, според принципот на ‘Реал Мадрид фондација клиник’. Веруваме дека тоа ќе биде незаборавно искуство за сите, а најголема добивка ќе имаат токму клубовите, нивните младински академии и сите учесници на камповите“, вели Влатко Тодев, првиот човек на „Еуро спорт арена“, лиценцираниот партнер на „Реал Мадрид фондација клиник“.
извор/fkrabotnicki.com
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Среќата е на негова страна
![](https://makfax.com.mk/wp-content/uploads/2024/06/1639321549-Max-Verstappen-scaled-e1639321570945.jpg)
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.