Европа
Хакер украл 3.000 фотографии на британското кралско семејство
Околу три илјади фотографии на британското кралско семејство се ставени на продажба на интернет откако непознат хакер упаднал во акаунтот на сервисот iCloud на Пипа Мидлтон, сестрата на војвотката од Кембриџ Кејт, пишува весникот Daily Mail.
За украдените фотографи, хакерот бара 50.000 фунти. Анонимниот понудувач стапил во контакт со водечките британски изданија, во прв ред со таблоидите, кои традиционално пројавуваат интерес за ексклузивните приватни сними од членовите на британското кралско семејство.
На фотографиите, украдени од сервисот за чување податоци на Apple, според пишувањето, се снимени самата војвотка од Кембриџ Кејт, како и наследниците на британскиот престол принцот Џорџ и принцезата Шарлота. Доколку снимките се направени со камерата од паметниот телефон на Пипа Мидлтон, тогаш би требало на нив да се овековечени многу моменти од настани на коишто таа присуствувала, пишува весникот.
Незаконски добиените материјали, хакерот планира да ги продаде првенствено во САД, бидејќи во Велика Британија на сила е законот за приватност од 1998 годна, со кој се забранува распространување на интимни информации, вклучително и снимки, без согласност на нивниот сопственик.
Тој тврди дека поседува „огромно количество информации и фотографии, кои тој нема намера да ги задржи кај себе премногу долго“. Според него, тој имал и „План Б“, кога ќе ги врати сите податоци на акаунтот на Пипа, доколку на својата сметка ја добие бараната сума.
Од Скотланд јард за весникот го потврдиле хакерскиот упад и реле дека во врска со инцидентот е започната истрага./крај/мф/сн
Извор: Daily Mail
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.