Црна хроника
Скопјанец и кумановец заедно пиеле алкохол, а потоа жестоко се степале
Во кумановската полиција на 9 април било пријавено дека во Медицински центар Куманово со повреди бил донесен 31-годишник од скопското село Јурумлери, кој потоа бил префрлен во комплексот клиники „Мајка Тереза“ во Скопје.
Според пријавата, скопјанецот се здобил со повреди во кумановската населба Карпош откако физички бил нападнат од страна на 22-годишен кумановец, со кого неколкупати физички се пресметале, а претходно заедно со уште неколку лица пиеле алкохол.
Напаѓачот бил приведен во полициска станица и против него е поднесена кривична пријава поради постоење сомнение за сторено кривично дело „тешка телесна повреда“, а од судија на претходна постапка му бил одреден притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.