Црна хроника
Финец загина во експлозија на бомба од II Светска војна
Една од неколку бомби од Втората светска војна кои биле сместени гаражи во северна Финска експлодирала во петокот доцна навечер убивајќи едно лице по што беа евакуирани стотици жители во локалното училиште, објави тамошната полицијата.
Евакуирани беа околу 50 домови во предградието на градот Кеми, а на местото на несреќата биле упатени пиротехничари кои ги деактивирале преостанатите бомби. Областа беше блокирана до раните утрински часови, а во евакуацијата и обезбедувањето биле ангажирани припадници на итните служби и полицијата, помогнати од војската.
Истражителите сметаат дека експлозијата, во којашто покрај 27-годишникот кој загинал исто така било рането уште едно 24-одишно лице кое е хоспитализирано била случајна.
„Нема докази дека станува збор за намерно активирање“, изјавил Лори Манинен од службата за цивилна заштита за финската национална телевизија YLE./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.