Вкупно 861 учесник во сообраќајот е санкциониран во Скопје во периодот од 8-ми до 14-ти август, соопшти Министерството за внатрешни работи. Најмногу казни се изречени за непрописно паркирање.

Кај 37 возачи било утврдено дека управувале возила под дејство на алкохол, потоа 58 лица управувале возила со измината важност на сообраќајната дозвола, без возачка дозвола управувале 35 возачи, кај 34 лица е утврден сообраќаен прекршок за поминување на црвено светло, 92 возачи  управувале возила со над дозволената брзина, и 82 возачи  управувале возило со над 90 км на час во населено место. 

Исто така, изречени се 12 прекршоци за некористење на сигурносен појас, 37 прекршоци за зборување на мобилен телефон, потоа 20 прекршоци за паркирање во зона на крстосница, автобуска постојка и пешачки премин, 264 прекршоци за неправилно и непрописно паркирање. 

Потоа за недавање на првенство на минување на пешаци изречени се седум прекршоци,  за непрописно престројување изречени се два прекршока, за прекршоци што ги чинат пешаците изречени се осум  прекршоци, за непрописно престигнување изречени се шест прекршоци, кај едно возило е утврдена техничка неисправност. 

Во истиот период со пајак службата подигнати се вкупно 280 возила. 

СВР Скопје најави дека и понатаму ќе продолжи со зајакнати сообраќајни контроли по однос на прекршоци кои доведуваат до сообраќајни незгоди и апелира до граѓаните да ги почитуваат сообраќајните правила и прописи со цел да се намалат сообраќајните незгоди.крај/мф