Свет
„Фејсбук“ без дозвола собрал адреси на е-пошта од 1,5 милион корисници
„Фејсбук“ призна дека собрал адреси на е-пошта од 1,5 милион корисници без нивно знаење и дозвола, објави Си-ен-ен. Најголемата социјална мрежа во светот соопшти дека пописите на контактите од електронските пошти „ненамерно“ биле преместени на „Фејсбук“, по промена на дизајнот, кој го извршиле пред речиси две години. Компанијата тврди дека почнала процес на бришење на собраните контакти.
Од компанијата објасниле дека проблемот настанал пред три години, кога го промениле начинот на креирање корисничкиот профил на социјалната мрежа. Пред тие промени, корисниците имале можност за креирање попис на контактите од е-поштата за време на отворањето на профилот, за полесно да пронајдат пријатели кои веќе се на „Фејсбук“.
Во 2016 година „Фејсбук“ ја отстрани опцијата која објаснува дека пописот на контакти на корисниците може да се пренесе на таа социјална мрежа, за време на отворање на корисничкиот профил. Поради тоа, во некои случаи, пописите на контакти од електронската пошта се пренеле на „Фејсбук“ без знаење или дозвола од корисниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.