Европа
Euractiv: Односите меѓу ЕУ и Швајцарија и формално се заладуваат
Европската унија (ЕУ) ова лето го одби барањето на Швајцарија за повторни преговори околу билатералниот договор за слободното движење, откако швајцарските гласачи на референдум одлучија да ги затворат своите граници за хрватските работници, пишува Euractiv.
Европската унија (ЕУ) ова лето го одби барањето на Швајцарија за повторни преговори околу билатералниот договор за слободното движење, откако швајцарските гласачи на референдум одлучија да ги затворат своите граници за хрватските работници, пишува Euractiv.
Како резултат на ова, образовната програма Ерасмус ќе биде прекината, европските студенти ќе бидат санкционионирани, а предложената соработка на пазарот за електрична енергија нема да се реализира.
ЕУ останува цврсто на својот став кон Швајцарија, седум месеци по февруарскиот референдум за имиграцијата, кој ги постави темелите за ограничување на бројот на странци на кои им се дозволува да престојуваат на швајцарска територија.
Швајцарија на 7 јули испрати и формално писмо до ЕУ, објаснувајќи дека новите уставни измени кои произлегоа од гласањето на 9-ти февруари не се компатибилни со постоечкиот договор меѓу Унијата и Швајцарија во однос на слободното движење, и побара повторни преговори за овој договор.
По консултациите со земјите членки, високата претставничка на ЕУ за надворешна политика и безбедност, Кетрин Ештон во писмо до швајцарскиот претседател Дидие Буркхалтер соопшти дека „Европската унија не е во можност позитивно да одговори на ова барање“.
Ваквата формална размена меѓу Швајцарија и Унијата го донесе недоразбирањето до ново ниво, а Швајцарија веќе одби да го потпише договорот за слободно движење со најновата земја членка на ЕУ, Хрватска, наведувајќи дека резултат од февруарскиот референдум забранува потпишување на нови договори, и покрај тоа што ваквите претходно потпишани договори остануваат на сила.
Швајцарската влада сега има три години за да го примени овој нов закон, што значи дека граѓаните на ЕУ, освен на Хрватска, се уште можат да влезат во Швајцарија до 9 февруари 2017 година.
Без официјално да соопшти повлекување, ЕУ смета дека Швајцарија треба да се соочи со последиците од ваквиот потег, но тоа што може Унијата да го направи во овој случај, сепак останува ограничено, додава Euractiv.
Денови откако започна новата школска година, ЕУ соопшти дека ја исклучува Швајцарија од образовната програма Ерасмус+. Последиците од ова најмногу ќе бидат почувствувани од европските студенти, чиј пристап до престижните швајцарски универзитети ќе биде ограничен.
Заладувањето на односите ќе има свои последици и на пазарот за електрична енергија. Поврзувањето на швајцарската електрична инфрастуктура со остатокот од Европа требаше да се реализира до крајот на 2014 година, но ЕУ ги замрзна овие преговори веднаш по референдумот од 9 февруари.
Швајцарското федерално министерство за енергетика соопшти дека преговорите продолжиле ова лето, но според Комисијата, „техничките разговори може да продолжат, но потпишувањето на договорот е суспендиран се додека не се разреши конфликтот околу слободното движење“.
Во меѓувреме, Комисијата инсистира дека е невозможно да се уживаат едни фундаментални слободи, без гаранцијата на останатите.
„Прашањето на слободното движење не може да се стави на страна. Одложувањето на одредени преговори е логична последица на изборот кој го нарави Швајцарија, а логичните последици не треба да бидат изненадувачки“, порачале од Европската комисија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.