Европа
Шведска одбележа 30 години од атентатот на Улоф Палме
Шведска во неделата ја одбележа триесетгодишнината од атентатот врз премиерот Улоф Палме, кој ја шокираше во земјата и кој и ден денес остана нерешен случај.
Палме беше убиен во центарот на шведската престолнина Стокхолм на 28-ми февруари 1986 година додека пеш се враќал дома од кино, каде бил заедно со сопругата Лизбет, синот Мартен и неговата девојка. Во 23.11 часот маж му пришол од зад грб, пукал во него и побегнал, Улоф Палме е убиен, а Лизбет Палме беше полесно повредена. Двојката во тоа време немала телохранители.
Палме беше на чело на Социјалдемократска партија од 1969 година до смртта, а премиерската должност ја извршуваше до 1969 до 1976-та година, и во вториот мандат од 1982 до 1986 година.
„Неговото убиство и натаму е отворена рана. Не зацели и сé уште тагуваме“, изјави во неделата шведскиот премиер Штефан Ловфрен оддавајќи му чест на Палме на неговиот гроб, само неколку стотина метри од местото на кое беше застрелан.
Убиството на овој харизматичен политички челник ја потресе оваа скандинавска земја и покрена обемна потера, но истрагата за убиството била преполна со грешки. Ханс Меландер, кој денес го води тимот на полицијата за истата истрага, изјави дека две чаури на местото на убиството не ги пронашле полицајците, туку случајни минувачи. А тие две чаури биле во многу лоша состојба, така што било тешко да се поврзат со точно одреден тип оружје.
Во трите децении истрага „133 луѓе го признаа убиството“, вели Даг Андерсон, член на шестчлената Група Палме којашто работи на случајот во кој било разговарано со повеќе од десет илјади луѓе.
Меландер и натаму не се изјаснува во врска со тоа дали верува оти Палме бил жртва на заговор или на индивидуалец убиец. Меѓу трагите со кои се занимава полицијата беше и онаа за можна вклученост на владата на Јужноафриканската Република, бидејќи Палме упорно повикуваше на економски бојкот на тамошниот режим на апартхејдот.
Шведска во 2010 година донесе закон со кој се укинува 25-годишното ограничување за злосторства како што е убиство, па истрагата за атентатот над Палме можеше да „Случајот нема да се смета решен сé додека некој не биде осуден на суд“, изјави обвинителката Керстин Скарп.
Меѓутоа, Лизбет Палме и нејзиното семејство веруваат дека премиерот го убиј ситниот криминалец и зависник Кристер Петерсон кој е осуден, но и ослободен поради недостиг од докази, а почина во 2004 година. Петерсон беше идентификуван токму од Лизбет, но нејзиното сведочење се смета за неверодостојно, бидејќи полицијата во некои нејзини однапред дадени изјави ѝ сугерирала на кого од осомничените би требало да покаже./крај/мф/сн
Извор: DPA/AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Европа
Професорка во Британија осудена за сексуална експлоатација на ученици, забременила со еден од нив
Професорка е прогласена за виновна за сексуално искористување на двајца тинејџери на кои им предавала во нивното средно училиште во Велика Британија. 30-годишната Ребека Џојнс ја дочека пресудата на слобода, но беше суспендирана од работа во училиштето.
Британските медиуми јавуваат дека Џојнс веќе била суспендирана и пуштена со кауција поради секс со 15-годишен ученик, идентификуван во пресудата како Момче А, кога почнала да има секс со друг ученик, момче Б, со кој подоцна останала бремена, пишува „Independent“.
На судот му било кажано дека и двете момчиња и праќале флертувачки пораки на „Snapchat“ пред таа да ги покани во нејзиниот стан.
Во случајот со првото момче, таа му го дала телефонскиот број, а како вежба за решавање проблеми, тој морал да ја погоди последната цифра. После тоа се поврзале на Снепчет и тој и праќал пораки во кои парот се договарал да се сретнат тајно.
Таа потоа го однела на шопинг и му купила скап појас. Полицијата подоцна ја пронашла неговата сперма во нејзината постелнина. Второто момчпе кажало дека врската со професорката започнала со бакнежи кога имал 15 години и со сексуални односи кога наполнил 16 години.
Џојнс пред судот се бранеше дека доживеала „нервно растројство“ кога била суспендирана од работа, по полициската истрага, и се вратила кај нејзините родители.
Џојнс на суд тврдеше дека никогаш немало сексуална активност со првото момче и дека врската со второто момче се развила додека таа била суспендирана од работа.
Таа плачела додека им кажувала на поротниците дека бебето што го родила и е одземено неколку часа по раѓањето и сега ѝ е дозволено да го гледа детето само три пати неделно. Таа беше прогласена за виновна по шест точки од обвинението за сексуална експлоатација на малолетници.
Европа
Словачкиот министер за одбрана: Премиерот опериран по втор пат, пациентот е стабилен, земјата е стабилна
Словачкиот премиер Роберт Фицо беше опериран по втор пат по атентатот во средата, кога се здоби со прострелни рани во стомакот и „е во стабилна состојба со навестувања за напредок, исто како што Словачка е стабилна“, изјави вицепремиерот и министер за одбрана, Роберт Калињак.
„Земјата е стабилна, пациентот е стабилен денеска. Можеме да ги направиме сите работи што треба да ги направиме како влада. А ние имаме свој премиер и тоа на сите ни е јасно“, изјави Калињак за новинарите во болницата каде што е Фицо.
Мирјам Лапуњикова, директорка на болницата Рузвелт во тој град во централна Словачка, најблиската добро опремена болница до Хандлова, каде што 71-годишен Словак во средата испука пет истрели кон премиерот, рече дека денешната операција траела два часа за отстранување некротично ткиво, што е вообичаена постапка при за такви повреди.
„Премиерот останува на интензивна нега, а неговата состојба се уште е многу сериозна. Лекарите се среќаваат и се консултираат секое утро и затоа денеска не можат да кажат дали ќе бидат потребни дополнителни операции“, рече Лапуњикова.
Лекарскиот совет в понеделник ќе одлучи дали и кога ќе можат да го превезат премиерот во Братислава.
Вицепремиерот Калињак се заблагодари за сите понуди за лекување на Фицо во странство и истакна дека Владата има целосна доверба во лекарите во Банска Бистрица.
„Ќе бидат потребни уште неколку дена додека не биде јасно како ќе се развива здравјето на премиерот. Порасположен сум бидејќи гледам напредок. При денешната интервенција се покажа дека главната операција била успешна“, рече Калињак.
Министерот за внатрешни работи Матуш Шутај Ешток денеска изјави дека во 40 случаи полицијата ги открила и гонела оние кои им се заканувале на политичарите со атентат и со говор на омраза на социјалните мрежи.
Лидерот на десноцентристичката опозициска партија Прогресивна Словачка, Михал Шимечка денеска поднесе кривична пријава поради драстични закани кон него и неговото семејство.
„Ги има повеќе. За жал, ова не е ништо ново. Слични закани доби и претседателот на Словачка, а слични закани денеска добиваат и мнозинството политичари, новинари и јавни личности кои го искажуваат својот став. Омразата раѓа омраза“, рече Шимечка.
Лидерот на опозицијата го повтори повикот до сите на словачката политичка сцена да се договорат, барем 100 дена да не се напаѓаат и за тоа време да се договорат за нови правила на политичка комуникација.
Надлежниот обвинител денеска побара притвор за осомничениот за атентатот, обвинет за обид за убиство на заштитено лице мотивирано од одмазда, за што му се заканува казна од 25 години или доживотен затвор.
Судот во сабота ќе го сослуша Јурај Цинтула и ќе одлучи за притворот.