Црна хроника
Приведени две џепчики од Бугарија
Отсек за џепни кражби при СВР Скопје со кривична пријава до Основното јавно обвинителство ги предаде лицата Т.Н.М. (34) и П.М.С. (30), двете државјани на Бугарија, поради постоење основано сомнение дека сториле кривично дело – “кражба“.
Од страна на судија во претходна постапка, на пријавените им е одредена мерка една година условно, за три години казна затвор и протерување, односно забрана за влез во Македонија во траење од десет години.Двете пријавени, со намера за себе да прибават противправна имотна корист, во средата 28 минатиот месец на бул.„Крсте Мисирков“ поточно на Бит Пазар (кај т.н. Цветен пазар), искористувајќи го невниманието на оштетеното лице, додека оштетената пазарувала на пазарот, најпрво П.М.С и се доближила и со своето тело се турнала во неа со цел да и го одземе вниманието, додека пак Т.Н.М успеала да и ја отвори ташната, и со протнување на раката во ташната и го украла паричникот во кој имало еден клуч од стан, една маестро картица од Комерцијална Банка и една кутија цигари Ева.Од страна на полициски службеник од ПС ОН „Бит Пазар“, пријавените биле затекнати при вршење на кривичното дело, по што истите се лишени од слобода.Со потврда за привремено одземени предмети од првопријавената се одземени горенаведените предмети, кои со потврда се вратени на оштетеното лице. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.