Свет
Министерот за надворешни работи на Иран предложи размена на затвореници
Иранскиот министер за надворешни работи посочи дека земјата е отворена за идејата за размена на затвореници вклучувајќи ја и Назанин Захари Ретклиф, Британка со двојно британско-иранско државјанство, која е во затвор во Иран од 2016 година.
Во неделата министерот Мохамед Џавад Зариф рече дека му е жал за Захари-Ретклиф и јавно понуди размена со ирански затвореници во САД, Германија и со Австралија.
Захари-Ретклиф беше уапсена на аеродромот во Техеран во 2016 година, а подоцна беше обвинета за заговарање да ја собори иранската влада. Таа ги негира обвиненијата против неа тврдејќи дека била во посета на Иран за да го види своето семејство.
Британската влада смета дека однесувањето на Иран во случајот е неприфатливо.
Зариф исто така додаде и дека Иран ги информира САД за ваквата понуда пред шест месеци, но дека сè уште нема добиено одговор.
Меѓутоа, подоцна Зариф рече дека неговата понуда се однесува само на оние што се притворени во име на барањата за екстрадиција од страна на САД.
Тој истакна дека случајот на Захари-Ретклиф е посебен и дека неговата понуда не се однесува на овој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.