Црна хроника
Над 110 кривични дела евидентирани во Скопје за 12 дена
Секторот за внатрешни работи Скопје во периодот од 28.03. до 09.04.2014 година документираше 112 кривични дела сторени на подрачјето на градот во различни реони, процесуирајќи 71 кривична пријава против 101 осомничено лице, соопшти во саботата МВР.
Конкретно, Отсекот за тешки кражби поднесе 16 кривични пријави против 20 лица за 19 расветлени кривични дела и тоа за дела како „тешка кражба“ , “тешка кражба”во обид, “прикривање”, “кражба” и други дела во ингеренции на отсекот за разбојништва и дрски кражби, отсекот за моторни возила и отсекот за џебни кражби.Одделението за малолетници поднесе 13 кривични пријави против 15 лица со што расветли 17 кривични дела и тоа “телесна повреда”, “запуштање и малтретирање малолетно лице”, “загрозување на сигурноста”, “тешка телесна повреда”, “насилство” и “предизвикување општа опасност”.Канцелариите за криминалистички работи поднесоа вкупно 38 кривични пријави против 58 лица со кои се расветлени 68 кривични дела како “тешка кражба“, “кражби“ и “одземање на моторни возила“.Единицата за насилен криминал реализираше 21 кривично дело за што пријавени се 44 лица а поднесени се 19 кривични пријави. Поднесените пријави се за расветлени кривични дела “недозволено изработување и тргување до оружје и распрскувачки материјали”, “тешка телесна повреда”, “учество во тепачка”, “напад на службено лице при вршење работи на безбедноста”, “предизвикување општа опасност”, “насилство”, “противправно лишување од слобода”, “полов напад врз малолетник кој не наполнил 14 години”, “тешки дела против безбедноста на луѓето и имотот во сообраќајот” и “загрозување на сигурноста”.Единицата за недозволена трговија со дрога и оружје реализираше две кривични дела за што кривично се пријавени две лица од Скопје, на двете лица им е одредена мерка притвор 30 дена. Едно од делата е во рамки на акцијата “Мрежа“ и истата е насочена против трговијата со наркотици. Досега во акцијата лишени од слобода се над 40 лица а запленета е поголема количина на наркотична дрога, само во последниот случај реализиран почетокот на неделата запленети се на 135 килограми наркотична дрога марихуана.Единицата за економски криминал и корупција поднесе една кривична пријави против едно лице за сторено кривично дело “бесправно градење“.Одделението за извршени увиди за сообраќајни незгоди поднесе 44 кривични пријави против исто толку сторители под основано сомнение дека истите сториле кривично дело од областа на сообраќајот и тоа 11 дела – “тешки дела против безбедноста на луѓето и имотот во сообраќајот“ и 33 дела – “загрозување на безбедноста на сообраќајот“.Единицата за извиди и потраги лиши од слобода вкупно 21 лице кои се бараа од страна на Основен Суд Скопје 1 за различни дела и тоа: “злоупотреба на службена положба и овластување“, “задоволување полови страсти пред друг”, “кражба“, “тешка кражба“, “разбојништво”, “спречување службено лице во вршење службено дејствие”, “измама”, “прикривање” и “загрозување на безбедноста на сообраќајот”.Единицата за прв одговор и интервенција – алфа изврши легитимирање на 626 лица, 145 прегледи на ПМВ и приведе вкупно 203 лица.Меѓу покарактеристичните дела кои се расчистени е кривичната пријава против четири лица од Скопје одговорни за серија имотни деликти – А.Н. (20), кој извршил девет кривични дела од кои пет – “тешки кражби“ , две “тешки кражби во обид“и две “кражби“ (со мала материјална вредност кои се гонат по приватна тужба), М.М. (21), кој извршил 10 кривични дела од кои шест – “тешки кражби“, две “тешки кражби во обид“ и две “кражби“ (со мала материјална вредност кои се гонат по приватна тужба), потоа К.Т. (19) кој извршил три кривични дела, односно две “тешки кражби“ и една “кражба“ (со мала материјална вредност која се гонат по приватна тужба) и М.М. (22) за извршено едно кривично дело “тешка кражба“.Кривичните дела пријавените ги извршиле во текот на февруари и март годинава и тоа девет на подрачјето на Ѓорче Петров, во село Волково осум и по една во село Ново Село и на подрачје на Гази Баба во село Кадино. Притоа кривичните дела ги извршиле во различен состав при што се стекнале со противправна имотна корист од околу 510.500 денари. Сторителите тешките кражби ги извршувале во ноќните часови, а додека две кражби се извршени на пладне. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.
Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.
Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.
Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.
Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.
Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.
Топ
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење основи на сомнение за сторени 4 кривични дела „одземање на моторно возило“, од кои три на подрачјето на скопски Центар и едно на подрачјето на општина Аеродром, како и против Ф.Љ.(22) од Скопје, поради постоење основи на сомнение за сторено кривични дело „помагање“.
Имено, првопријавениот кривичните дела ги извршил во последните два месеца, така што со употреба на физичка сила и погоден алат ги отворал бравите од возилата, ги одземал возилата и ги предавал на второпријавениот, каде што возилата биле расклопувани и продавани за делови.
Полициски службеници со судска наредба извршиле претрес на локација, сопственост на Ф.Љ., каде биле пронајдени поголема количина делови од возила кои потекнуваат од кривичните дела. Известен бил Јавен обвинител, а од страна на Судија на претходна постапка на Ш.Н. му е одредена мерка притвор.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.