Регион
Грчкиот банкрот би можел да се прошири на останатите членки на Еврозоната
Ситуацијата во Грција е загрижувачка, а грчкиот банкрот би можел да има ефект на ширење на заразата врз другите членки на еврозоната, предупредува членот на Управниот совет на Европската централна банка (ECВ), Клаас Кнот.
Во полугодишниот извештај на ECB за финансиската стабилност во еврозоната, Кнот предупредува дека доколку продолжи одливот на депозити, ќе се влоши веќе пореметената ликвидност на грчките банки.Според него, банкротот на владата во Атина тешко ќе ја погоди економијата на Грција, а последиците од ова на останатите членки на еврозоната и натаму се неизвесни.Грција моментално преговара со партнерите од еврозоната и Меѓународниот монетарен фонд (IMF) за условите на меѓународниот пакет помош вреден 240 милијарди евра. Доколку не се постигне договор со кредиторите, Грција ќе остане без пари, поради што и наредните неколку седмици би можела да се соочи со банкрот и потенцијален излез од еврозоната.Кнот наведува дека Грција може да продолжи со економските реформи и да ги исполни условите од пакетот за помош, бидејќи тоа, според него, е важно за стабилноста на Грција и еврозоната.Официјална Атина планира до 24-ти април да ги одблокира преостанатите седум милијарди евра помош од последниот кредитен аранжман. /крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Уште една сообраќајна несреќа кај Младеновац: се запали автомобил недалеку од местото на кое утрово се судрија автобус и автомобил
Недалеку од местото на кое утрово се случи несреќата, во која загина Милош Н. (34), по судир меѓу автобус и џип, само неколку часа подоцна се случила уште една сообраќајна незгода.
Според „Нова.рс“, едно возило се запалило и целосно изгорело.
Пожарникарите и полицијата се на терен.
Несреќата се случила во правец од Младеновац кон приклучокот кон автопатот Белград – Ниш.
Регион
15-годишно девојче застрелано на Калемегдан
Околу 8 часот утринава со воздушна пушка е застрелано 15-годишно девојче кај Калемегдан.
Детето било застрелано во бутот кога тргнало на училиште.
Според српските медиуми, девојчето тргнало на училиште, а во првиот момент кога било рането, помислила дека ја удрила топка во ногата. Неколку секунди подоцна забележала крв.
Девојчето е пренесено во Институтот за мајка и дете и чека операција.
Тинејџерката добила прострелна рана во бутот.
Инцидентот бил пријавен во полиција по 8 часот, а истрагата е во тек.
Регион
Два месеца од исчезнувањето на Данка Илиќ – телото сè уште не е пронајдено, таткото на осомничениот за убиството од денес на слобода
Двегодишната Данка Илиќ исчезна на 26 март во населбата на Бањско Поле во Бор, а нејзиниот случај не доживеа целосен епилог. Имено, дури и по признанието на двајцата работници на ЈКП „Водовод“ дека девојчето го убиле и го фрлиле телото на блиската депонија, нејзиното тело сè уште не е пронајдено.
Десет дена по интензивното пребарување, работниците на ЈКП за кои постојат сомненија дека го убиле девојчето беа уапсени. Тие се во притвор од 6 април поради опасност од бегство, можноста да влијаат на сведоците и да уништат или отстранат траги од извршениот криминал, како и јавно вознемирување.
И таткото на Д. Д., кој беше во притвор, денес излегува на слобода затоа што за кривичното дело за кое е осуден притворот не може да трае подолго од два месеца. Инаку, тој е осомничен дека му помогнал на својот син да го премести телото на девојчето, а од денес добива шанса да се брани од слобода.
Во понеделникот беше испрашан и директорот на ЈКП „Водовод“, кој поднесе оставка по убиството, како и мештанин од селото Лука.
До Обвинителството сè уште не се доставени докази за трагата на движење на возилата, кои, како што се осомничени, го убиле девојчето и сè уште не пристигнала целосна биолошка експертиза. По пристигнувањето на сите докази, Обвинителството ќе донесе одлука за понатамошниот тек на дејствување, пренесе „Танјуг“.