Црна хроника
Гевгелија: Кривична пријава против стечаен управник, извршен судија и службеник во Катастар
Кривична пријава против стечаен управник, извршен судија и службено лице во Агенцијата за катастар поднесе полицијата од Гевгелија поради сомневање за сторено кривично дело „злоупотреба на службената положба и овластување“.
Како што соопшти во понеделникот МВР, Д.Д. (55), стечаен управник на АД „Пиперана“ во стечај Гевгелија, М.Т. (68) извршен судија во Основен суд Гевгелија и Д.Ќ. (53) службено лице во Агенција за катастар за недвижности во Гевгелија се осомничени за дело сторено во 2003 година.Според МВР, Д.Д. во извршен предмет на Основен суд Гевгелија со фирмата „Балкан Промет Јован“-ДООЕЛ како доверител на должникот АД „Пиперана“ без правен основ, односно знаејќи дека недвижен имот сопственост на РМ, а со право на користење на АД „Пиперана“ го ставил имотот во стечајна маса и потпишал договор за продажба, додека второпријавениот донел решение за продажба на имотот на фирмата „Балкан Промет Јован“-ДООЕЛ. Третопријавениот знаејќи за ваквите активности на останатите пријавени извршил упис на податоците на недвижниот имот и го запишал „Балкан Промет Јован“-ДООЕЛ како носител на недвижниот имот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.