Свет
Јункер за Курц и шницлите: За мене тоа е свесна шизофренија
Претседателот на Европската комисија, Жан Клод Јункер го критикуваше австрискиот канцелар Себастијан Курц, поради неговата изјава за претерана бироктратизација на Комисијата.
„Сметам дека тие тврдења против ЕУ не се нималку на место“ порача Јункер во интервју за виенскиот дневник „Стандард“.
Курц пред неколку дена рече дека би требало да се избришат 1.000 правила на Брисел, како што се уредбите за тоа како треба да изгледа помфритот, шницлите и слично, бидејќи тоа е претерано наметнување беспотребни работи на националите држави.
Јункер нагласи дека ЕК од 2014 година јасно ја намалила администрацијата и дека бројот на предлог уредбите е намален за 75 отсто.
„Австрискиот канцелар кого го сметав за уверлив Европеец, се приклучува на темите кои не го доведуваат во прашање европското делување но масовно го критикуваат. Тоа целосно ме изненади. Не сметам дека тој, кој се залага за Европа, сега се приклучил на хорот на противничките гласови“ истакна Јункер.
Претседателот на ЕК го предупреди Курц дека не треба да биде „Европеец на половина работно време“. Вели дека не разбира зошто Курц ја критикува уредбата со која треба да се заштитат граѓаните од опасни супстанци кај печените шницли.
„Не го разбирам тоа, зошто Австрија ја поддржа таа уредба. За мене тоа е случај на свесна шизофренија“ вели Јункер. Тој смета дека зад тие изјави стои намерата за ангажирање за Европа само ако тоа служи на националните интереси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.