Црна хроника
Запленети кученца, алкохол, свежо овошје, девизи, златен накит

Изминатата недела царинските службеници заплениле девизи, златен накит, живи животни, алкохол, свежо овошје, обувки, мобилни телефони, соопштуваат од Царинската управа.
Четири кученца биле откриени во автомобил на граничниот премин Богородица кај македонски државјанин кој сакала да излезе од Македонија. Кученцата немале микрочип за идентификација и возачот не поседувал никакви документи за сопственост, а биле пронајдени во две пластични гајби сместени во просторот за багаж на возилото. Според изјавата на возачот, три кученца се од расата Cane corso и едно кученце од расата малтешка пудлица.Вкупно 671 килограм грозје биле откриени на царинската испостава Гевгелија, при контрола на товарно моторно возило со македонски регистарски таблички, натоварено со свеж зеленчук и овошје, пријавени за увозно царинење. Стоката била наменета за фирма увозник од Скопје.Триесет литри вињак „Рубин“ биле откриени на граничниот премин Табановце автопат, при контрола на патничко моторно возило со српски регистарски таблички, управувано од српски државјанин, пријавено за влез во државата. Непријавениот вињак е пронајден во неколку картонски кутии сместени во багажниот простор, покриени со кебиња и личен багаж на возачот. На граничичниот премин Стење биле запленети 32 илјади евра од вкупно 41.970 коишто биле пронајдени под задното седиште, кај акумулаторот, 6500 евра биле запленти на скопскиот Аеродром, а запленети биле 25 парчиња накит, монети, синџирче, алка и женски часовници. Запленети се мобилни телефони и друга техничка стока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возач и сопатник од Косово се тешко повредени во сообраќајка

Во СВР Велес пријавено е дека околу 2 часот, на делницата од автопатот А1, во правец од Велес кон Скопје, односно пред приклучокот од Велес кон Скопје, патничко возило „Фолксваген тирок“, управувано од Ф.Ф.(32) од Република Косово, излетало надвор од коловоз.
Во несреќата со тешки телесни повреди се здобиле возачот и неговиот сопатник Ф.М.(25) од Република Косово, а констатирани во Општата болница Велес, по што поради сериозноста на повреди биле пренесени во Комплексот клиники „Мајка Тереза“ во Скопје.
По насоки на надлежен ЈО извршен е увид од увидна екипа од СВР Велес.
Црна хроника
Таксист на странец му наплатил 7.800 денари за возење од Центар до Средно Водно

Вчера во 20.40 часот во СВР Скопје, Б.Ф.П.Х.(43) од Швајцарија пријавил дека додека се возел во такси возило на релација од Центар до Средно Водно, бил измамен од возачот, кој за услугата му наплатил 7.800 денари, а откако пријавителот сфатил дека бил измамен, таксистот се однесувал агресивно кон него и со возилото го напуштил местото на настанот.
Се преземаат мерки за расчистување на случајот.
Црна хроника
Кривични пријави за незаконски изведена реконструкција на покривот на училиште во Богданци

Министерството за внатрешни работи соопшти дека СВР Струмица – ОВР Гевгелија поднеле кривични пријави против пет лица и едно правно лице од Скопје, поради незаконски изведена реконструкција на покривот на Основното училиште „Петар Мусев“ во Богданци. Според пријавата, со непочитување на законските прописи за градежна безбедност, била загрозена безбедноста на учениците и вработените, а предизвикана е и значителна материјална штета на државниот буџет.
Пријавени се Г.Г. (39) од Скопје – сопственик и овластено лице на фирма за проектирање и инженеринг, И.Т. (45) од Скопје – одговорно лице за проектирање, Љ.Т. (62) и Л.Г. (69) од Скопје – овластени ревиденти, како и самото правно лице – фирма за проектирање, инженеринг, трговија и услуги од Скопје.
Според полицијата, Г.Г. и И.Т. при изработка на проектот за реконструкција на покривот на училиштето, постапиле спротивно на прописите за механичка отпорност, стабилност и сеизмичка заштита, со што ја загрозиле безбедноста на учениците и вработените. Дополнително, не било обезбедено стручно мислење за проектираниот степен на безбедност, што е спротивно на Законот за градење.
Ревидентите Љ.Т. и Л.Г., пак, при вршење на ревизија на проектот, не ги констатирале овие пропусти и дале позитивно мислење, овозможувајќи на правното лице да се стекне со имотна корист од 129.800 денари, додека на буџетот на Министерството за образование и наука му е нанесена штета од 12.678.049 денари.
Од МВР дополнуваат дека СВР Струмица, односно ОВР Гевгелија продолжува со преземање на мерки и активности во врска со конкретниот случај за утврдување на евентуална инволвираност на други лице во истиот, односно за докажување на нивна одговорност, а се во насока на целосно расчистување на случајот.