Европа
Путин: Прошенко ја презема одговорноста за ситуацијата во Украина
Откажувајќи се од примирјето, претседателот на Украина, Петро Порошенко ја презема врз себе сета одговорност за ситуацијата во земјата, оцени во вторникот рускиот претседател Владимир Путин и истакна дека Русија ќе ги брани правата и интересите на своите сонародници, коишто заедно со русофонот население го сочинуваат големо мнозинство во југоисточните региони на соседната земја, како и дека украинската криза претставува обид против руските интереси
Откажувајќи се од примирјето, претседателот на Украина, Петро Порошенко ја презема врз себе сета одговорност за ситуацијата во земјата, оцени во вторникот рускиот претседател Владимир Путин и истакна дека Русија ќе ги брани правата и интересите на своите сонародници, коишто заедно со русофонот население го сочинуваат големо мнозинство во југоисточните региони на соседната земја, како и дека украинската криза претставува обид против руските интереси
„Досега Петро Алексеевич (Порошенко), сепак, немаше директна поврзаност со наредбите во воените операции. Сега тоа целосно ја презема одговорноста, не само воената, туку и политичката што е уште поважно“, изјави рускиот претседател Путин на средбата со амбасадорите на Руската Федерација.
Путин, исто така, истакна дека она што последните половина година се случува во соседната Украина претставува кулминација на негативните тенденции во светската политика, коишто се напластувале со години, за што Русија „со години ги предупредуваше“ своите партнери.
Настаните, коишто според рускиот претседател се провоцирани од Украина, за Путин претставува концентриран израз на политиките на воздржаност кон Русија, и обид да се создаде жариште на постојани тензии на границите на Руската Федерација.
„Мора јасно да разбереме дека настаните предизвикани во Украина, претставуваат концентриран израз на злогласната политика на воздржување којашто се води кон Русија. Нејзините корени лежат длабоко во историјата и очигледно е дека таквата политика не престанала, за жал, и по завршувањето на Студената војна“, истакна Путин на редовниот годишен состанок со амбасадорите и постојаните претставници на Руската Федерација во странство и во меѓународните организации.
Според него, загрозени Русите и нивните законски права коишто се гарантирани со европските конвенции. Оттаму, како што истакна Путин, Русија немала право да го остави населението на Крим и Севастопол на милоста на воинствените националисти и радикали (во Украина).
Путин порача и дека Русија ќе продолжи енергично да ги брани правата на своите сонародници коишто живеат надвор од границите на татковината и за таа цел ќе го користи сиот арсенал од расположливи законски средства.
„Сакам да разберете, нашата земја и претходно го правеше тоа и ќе продолжи енергично да ги брани правата на Русите, нашите сонародници во странство, користејќи го целиот арсенал од средства коишто и’ стојат на располагање, од политички и економски до овозможените со меѓународното право хуманитарни операции , и правото на самоодбрана“, порача Путин.
Рускиот претседател, исто така, се осврна и на инцидентите со руските новинари коишто известуваат за ситуацијата во источна Украина, и убиствата и нападите врз нив ги нарече апсолутно неприфатливи акции чија намерна цел е да се ликвидираат претставниците на медиумите.
„Апсолутно се неприфатливи се убиствата на новинарите, а вчера за тоа го потсетив и претседателот на Украина. Според мене, постои намера да се ликвидираат претставниците на медиумите. Тоа се однесува како на руските, така и странските новинари“, алудираше Путин на неколкуте смртни случаи на руски новинари, сниматели и италијански фоторепортер, како и повеќето пукања и ранување, а таков случај е пријавен ви во понеделникот навечер.
„Кој се плаши од објективната информација? Очигледно, само оние коишто прават злосторства. Ние многу полагаме во ветувањата на Киев дека ќе биде спроведена темелна истрага за овие случаи“, истакна претседателот на Русија./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.