Македонија
Рот: Преспанскиот договор треба да се почитува од секоја идна грчка влада
Преспанскиот договор потпишан меѓу Грција и Северна Македонија е историски чекор во надворешната политика на грчката влада и тој треба да се почитува од сите идни администрации, изјави германскиот заменик-министер за надворешни работи, Михаел Рот, пренесе „Катимерини“.
Според него, договорот донел стабилност во регионот. Германскиот дипломат ова го изјавил за време на брифингот со странски дописници во Министерството по повикот за предвремени избори од страна на грчкиот премиер Алексис Ципрас кога неговата партија СИРИЗА беше поразена на вчерашните европски избори.
„Конечно, веруваме дека секоја влада што ќе дојде во Грција, ќе се соочи со своите одговорности во служба на мирот, помирувањето и стабилноста во регионот“, порача Рот појаснувајќи дека неговиот оптимизам не е врзан за кој било конкретен исход од идните избори во земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.