Скопје
Промовирана мобилната апликација „Патувај зелено“ на Град Скопје
Град Скопје во петок (19.09) ја промовираше новата андроид апликација „Патувај зелено“, преку која граѓаните во реално време ќе може да добиваат информации за сообраќајните текови во градот и да го одберат најкраткиот, најекономичниот и најеколошкиот начин за да стигнат до саканата дестинација.
Град Скопје во петок (19.09) ја промовираше новата андроид апликација „Патувај зелено“, преку која граѓаните во реално време ќе може да добиваат информации за сообраќајните текови во градот и да го одберат најкраткиот, најекономичниот и најеколошкиот начин за да стигнат до саканата дестинација.
Апликацијата „Патувај зелено“ е бесплатна и граѓаните преку својот мобилен телефон може да ја инсталираат преку иконата playstore, со внесување skopje green route и избор на оваа апликација.
Апликацијата ја промовираше градоначалникот на Град Скопје, Коце Трајановски, кој рече дека „Патувај зелено” e фокусиран на секој човек во заедницата и има главна цел да поттикне систематски промени во транспортните навики на граѓаните и институциите и да придонесе во подигнувањето на јавната свест и конституирање на одржливи генерации на Град Скопје.
„„Патувај зелено” претставува навигациска алатка која ќе овозможи постојано информирање на граѓаните за состојбите во сообраќајот, ќе ги промовира можностите за употреба на поеколошки и поекономични начини на превоз и ќе ги квантифицира емисиите на стакленички гасови предизвикани од моторизираниот транспорт во градот. Со еден збор, таа ќе им овозможи на корисниците да го изберат најкусиот, најекономичниот, најбрзиот и најеколошкиот начин на патување до одредена дестинација. Додадена вредност на овој концепт е опцијата за информации обезбедени од граѓаните, со која во реално време корисниците ќе можат да даваат дополнителни информации за сообраќаен застој и тековни сообраќајни состојби. „Патувај зелено” e фокусиран на секој човек во заедницата и има главна цел да поттикне систематски промени во транспортните навики на граѓаните и институциите, и да придонесе во подигнувањето на јавната свест и конституирање на одржливи генерации на Град Скопје“, рече Трајановски.
Тој истакна дека Градот Скопје е прв град во поширокиот регион на Балканот чијшто јавен транспортен модел е инкорпориран во Google’s Transit веб сервисот, со што Градот станува достапен за корисниците на Google во целиот свет.
Тој им се заблагодари на УНДП за финансиската поддршка на овој проект и на Факултетот за информатички науки и компјутерско инженерство за соработката и реализацијата на проектот.
Проектот е поддржан и од Министерството за животна средина, а се реализира како дел од кампањата за промоција на одржливите видови транспорт – Европска недела на мобилност. крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.