Спорт
Шеста европска круна за Ливерпул (Видео)
![](https://makfax.com.mk/wp-content/uploads/2019/06/h_55241818.jpg)
Фудбалерите на Ливерпул ја освоија титулата во Лигата на шампионите во сезоната 2018/2019. Ливерпул во големото финале, на „Ванда Метропилитано“ во Мадрид го победија Тотенхем со 2:0. „Црвените“ ја освоија својата шеста титула европски првак, а нивниот менаџер Јирген Клоп по двата порази во финалните натпревари конечно успеа да го освои „пехарот со уши“. Од друга страна Тотенхем не успеаја во своето прво финале да стигнат до вредниот пехар.
Ливерпул и Тотенхем одиграа финале кое бргу ќе се заборави. Целиот меч мина во тактичко надмудрување со неколку добри, но без 100 отстотни шанси за постигнување на гол.
Тотенхем со 67 отсто од поседот на топата прв пат се закани во 80 минута, кога ударот на Сон го одбрани Алисон. Ливерпул се определија за пресинг кон играчите од средниот ред на противникот, без при тоа да преземат преголем ризик. Еден добар удар на Робертсон во првиот дел и обидот на Милнер кој заврши крај дирекот беше се од нив.
Покрај ударот на Робертсон, единствено што вреди да се забележи од првото полувреме е контроверзниот пенал за Ливерпул во 30 секунда и атрактивната навивачка која влета на теренот во 18 минута и предизвика кус прекин на натпреварот.
Првиот гол го постигна Салах од пенал, по 108 секунди игра. Голот на Египѓанецот е вториот најбрз гол во финалните мечеви.
Тактичкото надмудрување го обележа и второто полувреме, Тотенхем и покрај негативата не успеа да ја наметне својата игра, ниту пак одговорија на пресингот на Ливерпул. Милнер во 71 минута имаше добар обид за Ливерпул, но неговиот обид заврши крај дирекот.
Сон дури во 80 минута го имаше првиот вистински обид за Тотенехм. Неговиот удар го одбрани Алисон. Пет минути подоцна бразилскиот голман одлично го одбрани слободниот удар на Ериксен.
Две минути подоцна Ливерпул го реши мечот. Играчите на Тотенхем лошо реагираа во одбраната, Матип успеа да ја протне топката до Ороги кој со одмерен удар стави топка на мечот.
foto/epa
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.