Спорт
Вардар сега израмнет со најдобрите екс-ју клубови, Металопластика и Загреб
Со втората освоена титула од ЕХФ Лигата на шампиони, македонскиот РК Вардар влезе во елитната група на 13 европски клубови кои повеќе од еден пат го добиле епитетот „европски шампион“, и се израмни со славните РК Металопластика и РК Загреб како најуспешен клуб од просторите на поранешна Југославија.
Барселона, клубот кој Вардар успеа да го елиминира во вчерашното драматично полуфинале, останува убедливо најуспешниот клуб со 9 освоени титули, пред германскиот Гумерзбах, кој има пет титули, освоено од 1967 до 1983 година. Пет европски клубови имаат по три трофеи (Кил, Прага, Сиудад Реал, Магдебург и СКА Минск) имаат по три трофеи, по што следува групата во која е и Вардар.
Легендарната Металопластика од Шабац беше најдобриот европски клуб во 1985 и 1986 година, во една доминантна генерација, додека РК Загреб освои две европски титули на почетокот на 1990-тите (1992 и 1993 година).
БРОЈ НА ТИТУЛИ ОД ЛИГАТА НА ШАМПИОНИТЕ
1.Барселона (Шпа) 9 (1991, 1996, 1997, 1998, 1999, 2000, 2005, 2011, 2015)
2.Гумерзбах (Гер) 5 (1967, 1970, 1971, 1974, 1983)
3.ТХВ Кил (Гер) 3 (2007, 2010, 2012)
3.Дукла Прага (Чеш) 3 (1957, 1963, 1984)
3.Суидад Реал (Шпа) 3 (2006, 2008, 2009)
3.Магдебург (Гер) 3 (1978, 1981, 2002)
3.СКА Минск (Блр) 3 (1987, 1989, 1990)
8.РК ВАРДАР (Мкд) 2 (2017, 2019)
8.РК Загреб (Хрв) 2 (1992, 1993)
8.Металопластика (Срб) 2 (1985, 1986)
8.Стеауа Букурешт (Ром) 2 (1968, 1977)
8.Фриш ауф Гепинген (Гер) 2 (1960, 1962)
8.ТВ Гросвалдштат (Гер) 2 (1979, 1980)
8.Монпелје (Фра) 2 (2003, 2018)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.