Европа
„Amnesty International“ објави извештај за евидентирани киднапирања и мачења во Украина
Во најновиот извештај на организацијата за човекови права, „ Amnesty International“, кој беше објавен во петокот се истакнува дека проруските сили во Украина извршиле киднапирања на повеќе стотици лица, а биле забележани и голем број случаи на мачење на заложници, но, исто така, извештајот ја критикува и прекумерната употреба на сила што ја применуваат украинските сили.
„Ме тепаа со боксови, столици, со сите предмети што ќе им дојдеа при рака. Гасеа цигари од моите стапала и ме мачеа со струја. Тоа траеше толку долго што веќе ништо не можев да почуствувам. Само се онесвестив“, раскажал 19 годишниот Саша кој бил грабнат во Луганск на истокот во Украина, стои во извештајот.
Саша е член на прокиевските „единици за самоодбрана“. Тој објаснил дека бил ослободен откако неговиот татко платил 60 илјади долари, по што побегнал во Киев, пренесува АФП.
Во извештајот на оваа организација за човекови права се наведуваат голем број грабнувања, изнудување пари и тортура во источна Украина, каде проруските сили на почетокот од оваа година ги зазедоа клучните градови и дега се борат со украинските воени сили.
„Amnesty International“ наведува дека не биле во можност да дојдат до веродостојни информации поради хаосот кој владее во оваа област од Украина и каде властите немаат намера да направат единствен регистар на инциденти или жртви.
Мониторинг мисијата на Обединетите нации за човекови права во Украина забележала 222 веродостојни случаи на киднапирање, додека украинското министерство за внатрешни работи тврди дека само во периодот од април до седми јуни биле киднапирани 387 лица, меѓу кои и 39 новинари.
Организацијата во своето соопштение, исто така, наведува дека постојат голем број случаи на незаконско приведување лица кое го спроведуваат прокиевските сили./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.