Арсенал ја врати предноста од пет бода во однос на Манчестер Сити, откако со 2:0 го победи Бренфорд. Одличната форма ја потврди и Астон Вила со победата во Брајтон 4:3.

На „Емирејтс“, Бренфорд излезе со јасна намера, со бункер, да му се спротивстави на фаворитот. Одбраната на гостите издржа 11 минути кога Микел Мерино го постигна првиот гол.

Имаше Брентфорд пота свои шанси преку Шаде, меѓутоа Раја не дозволи да биде совладан.

Конечниот резултат, по грешката на голманот Келехер го постави Сака во првата минута од судиското надополнување на времето во второто полувреме.

Брајтон и Астон Вила на „Амекс“ стадионот го одиграа можеби и најдобриот меч во досегашниот тек од Премиер лигата. Гпстите од Бирмингем надополнија минус од два гола и славеа со 3:4.

Домашниот тим поведе со голот на Ван Хеке, а набргу Пау Торес со авто гол му создаде уште поголеми проблеми на својот тим, по само 29 минути игра.

Сепак, Вила играше многу подобро од тој момент, а главен актер беше Оли Воткинс.

Еден од најдобрите напаѓачи во Премиер лигата, до крајот на полувремето со два гола донесе израмнување.

Целосен пресврт Вила направи по 60 минути игра. По центаршутот на Метју Кеш, Онана ја искористи својата висина и со глава ја испрати топката во мрежата на домаќините. Дека Вила ќе победи беше јасно по голот на Дони Мален во 78-та минута.

Ван Хеке, со својот втор гол им даде надеж на навивачите дека Брајтон може да избегне пораз, но до крајот резултатот не се смени.

Вила така стигна до својата четврта победа по ред, која ги однесе на третото место, само шест бода зад првопласираниот Арсенал.

Foto/ EPA

Фудбалерите на Реал Мадрид го победија Атлетик во Билбао со 3:0, во 15-то коло од Ла Лига.

Централна фигура на натпреварот беше незапирливиот Килијан Мбапе, кој постигна два гола и забележа асистенција, во триумфот што го врати Реал на бод минус од лидерот Барселона.

Килијан Мбапе во само 24 натпревари оваа сезона, за клубот и репрезентацијата, постигна 30 гола и забележа шест асистенции.

Првиот гол беше потврда за класата на Французинот, ја прифати топката некаде на средината од теренот, потоа започна молскавичен продор, сам против сите, се ослободи од еден, а потоа и од друг бек и ја погоди мрежата на Унаи Симон.

Во 42-та минута, тој несебично со глава го погоди Кававинга, кој потоа се „поклони“ за 2:0.

Мбапе го заврши натпреварот во Баскија мајсторски во 59-та минута со удар од околу дваесет метри во поблискиот агол од голот на Симон, го фати на „спиење“ голманот на Атлетико.

Тоа беше неговиот 16-ти гол во Ла Лига, вториот на листата на најдобри стрелци, Левандовски постигна двојно помалку голови.

Foto/ EPA

Ракометарите на Загреб, серијата од 11 порази во Лигата на шампионите (девет од нив во оваа сеозна0, ја прекинаа во дуелот со Еурофарм Пелистер. Во Б групата, во 10-то коло, Загреб го победи Еурофарм Пелистер со 27:23. Ова е прв триумф на Загреб во Лигата на шампионите оваа сезона и прв триумф елитното натпреварување уште од 12 февруари кога победи, сензационално кај Пик Сегед со 27:26.

Пелистер добро влезе во натпреварот, му дозволија на Загреб да постигне само еден гол во првите 11 минути од натпреварот. Хрватскиот првак ја истпи предноста на Пелистер до 21-та минута (8:8).

За прв пат Загреб поведе во 22-та минута со голот на Филип Главаш за 9:8, а на полувреме беше 14:12 за домашниот тим.

Почетокот на вториот дел беше сличен на првиот, разликата е таа што Загреб во првите 10 минути направи серија 5:1, за предност 19:13. Клучен човек во таа серија беше голманот Сандро Мештриќ, се истакна, одбрани пет од првите седум удари што одеа кон неговиот гол.

Загреб ја одржуваше предноста до крајот на натпреварот без поголеми проблеми и конечно ја оствари својата прва победа во групата Б.

Најефикасен играч кај Загреб беше Филип Главаш со дури 10 гола, додека Давор Чавар, Ихар Бјалауски и Ивано Павловиќ додадоа по четири. Сандро Мештриќ се истакна на голот со 12 одбрани и 50% процент на успешност. Филип Кузмановски беше најдобар стрелец на Пелистер со седум гола.

Foto/ EPA GEORGI LICOVSKI