Спорт
Како Мо Салах помогна да се зголеми толеранцијата во Ливерпул
Според студијата на Универзитетот Стенфорд, откако Мохамед Салах во 2017 година се приклучи на Ливерпул, во градот се намалил криминалот поради омраза за 19 отсто, додека анти-муслиманските онлајн коментари се намалиле за огромни 50 отсто, покажувајќи го неверојатното влијание на египетскиот фудбалер.
Присуството на лик како Салах не е добредојдено само за фановите на „црвениот“ клуб, туку и кај лидерите на муслиманската заедница во Британија, открива Мумин Кан, главниот на џамијата Шеик Абдулах Квилијам во Ливерпул.
„Тој е апсолутно позитивен пример за муслиманите, но и за тие кои не се муслимани, тука во Велика Британија, но и низ целиот свет. Тој ја смени перцепцијата околу некои негативни работи во кои дел од луѓето веруваа околу исламската вероисповед. Тој е пример за цела Британија, бидејќи ги зближува луѓето,“ вели Кан.
Салах имаше нова фантастична сезона, во која постигна 27 голови во сите натпреварувања, вклучувајќи еден во финалето на Лигата на шампионите против Тотенхем (кое „црвените“ го добија со 2:0).
„Ова е почеток на големи работи за нас. Секако, сметаме дека можеме да бидеме шампиони и следната година и целта е да се освои Лигата на шампионите и Премиер лигата“, вели 26-годишниот Салах, кого сега го очекува уште еден голем предизвик – домашниот Африкански куп на нации со Египет.
According to a Stanford University study, since Mo Salah joined Liverpool, hate crimes in the area have decreased by 19% and anti-Muslim comments online have dropped by 50%. Impact on and off the pitch. pic.twitter.com/5Duu42qjYS
— ESPN UK (@ESPNUK) June 3, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шаховскиот клуб Мулти есенс се квалификува во Втората лига: младинците ја оправдаа довербата
Под закрила и спонзорство на компанијата АЛКАЛОИД АД, оваа година е формиран уште еден шаховски клуб, ШК Мулти Есенс, првенствено за да им се даде шанса на младите шахисти да продолжат да играат шах и да се усовршуваат низ натпревари во екипна сениорска конкуренција. Многу добро е познато дека Шаховскиот клуб Алкалоид е меѓу најуспешните спортски колективи во Македонија, силно етаблиран и добро познат не само во европски рамки (како европски шампион и како вицешампион), но, генерално, и во светски рамки. Во клубот членуваат и најдобрите македонски шахисти (велемајстори и интернационални мајстори), кои се и лиценцирани тренери од ФИДЕ (Светската шаховска федерација) и кои континуирано работат со младите категории шахисти.
На квалификациитe за Втората лига екипата на ШК Мулти Есенс, под водство на велемајсторот Трајко Недев, како капитен, успешно настапи и во конуренција на 18 екипи успеа да се пласира во Втората лига. Во вкупно шест кола одиграни според швајцарскиот систем, ШК Мулти Есенс оствари три победи и две ремија и со само еден пораз, со освоени 8 бода, се пласираше на делба на третото место (според дополнителниот критериум заврши на четвртото место). Покрај првите три тима (екипите на победникот ШК Нов Напредок од Штип, второпласираната ШК Кочани и третопласираната екипа на ЖШК Прилеп), ШК Мулти Есенс ќе настапи во Втората лига, која, во согласност со календарот на натпревари, треба да се игра на почетокот на јули.
Екипата на ШК Мулти Есенс ја сочинуваат:
1. Теодор Јовановски (во 2023 го подели првото место на Државното јуниорско првенство до 18 години)
2. Матео Ефтовски (двократен јуниорски првак до 18 години во 2020 и во 2021 година)
3. Стојан Велкоски (четвртопласиран на Европското аматерско првенство 2022 за ело < 2000)
4. Христијан Цакончев
5. Кирил Николовски (државен шампион во 2023 г. за јуниори до 14 години)
6. Андреј Иванов (државен шампион во 2022 г. за јуниори до 12 години)
7. Дино Табаковски (второпласиран на Европското аматерско првенство 2022 г. за ело < 1800)
8. Стефан Мелник (многу талентиран и посветен шеснаесетгодишен јуниор, кој се натпреварува и во конкуренција на шахисти со оштетен вид, а во јуни ќе учествува на Европското првенство на ИБЦА – International Braille Chess Association – за возрасни).
Новата надградена развојна стратегија ќе овозможи ШК Мулти Есенс да биде одличен полигон на кој младите талентирани шахисти ќе можат да настапат против многу поискусните шахисти и на спортски начин да се докажуваат и да напредуваат, за во иднина да станат дел од сениорскиот тим на ШК Алкалоид!
ПР текст
Спорт
Мајката на Мбапе на прашањето каде ќе оди нејзиниот син: Мислам дека знаете
Килијан Мбапе се прости од Пари Сен Жермен, а на 30 јуни и официјално ќе стане слободен играч.
Светските медиуми веќе подолго време пишуваат за неговиот трансфер Реал Мадрид, а се очекува наскоро тоа да биде и официјализирано.
На прашањето за иднината на нејзиниот син, мајката на Килијан, водно и негов менаџер, Фаиза Ламари даде индиректен одговор.
„Мислам дека веќе го знаете тоа“, рече таа, што беше протолкувано како сигурен знак дека оди во „кралскиот клуб“.
Мбапе одигра 307 натпревари за ПСЖ. Постигна 256 гола и имаше 108 асистенции. Со Франција беше светски првак во Русија во 2018 година.
Спорт
„Макс e шапион само благодарение на болидот на Ред Бул“
Макс Верстапен е трикратен последователен шампион во Формула 1 и е на добар пат да ја освои четвртата врзана круна во најбрзиот циркус.
Сепак, Зек Браун, првиот човек на Мекларен смета дека Холанѓанецот е местото каде што е единствено, благодарение на моќниот болид на Ред Бул.
„Мислам дека сега имаме шест или седум возачи кои би биле шампиони со Ред Бул. Иако возачките квалитети на Макс се неспорни, тој не би бил светски шампион во ниту еден друг болид, освен со Ред Бул“, истакна Браун.
Шампионатот во Формула 1 продолжува оваа недела со Големата награда на Монако во Монте Карло.