Спорт
Дејан Милосављев: Се уште сум во облаци, се делува неверојатно!
Голманот на скопски Вардар, Србинот Дејан Милосављев со отворени очи го сонува својот сон. Тој во интервју за српски „Новости“ вели дека се уште е во шок по освоената титула со Вардар во ЛШ, но и поради еуфоријата во Скопје при пречекот на ракометарите од Келн.
„Овде е лудница. Не смеам ниту на улица да излезам. Се делува неверојатно. Македонците искрено го сакаат ракометот, не се фолираат. Се уште не можам да си дојдам на себе по феноменалниот Ф4 во Келн. Морам да ги погледнам двата натпревари, полуфиналето со Барселона и финалето со Веспрем затоа што не се сеќавам на првите 15 и последните 15 минути“ – вели Милосављев во телефонски разговор за српскиот медиум.
Голманот признава дека се уште се привикнува на друштвото на „големите“ во светскиот ракомет.
„Минатата година во родното место со помладиот брат гледавме Ф4 и им се возхитувавме на легендите. Се сеќавам кога му пристапив на Вардар и кога влегов во соблекувалната, се ми изгледаше неверојатно, затоа што бев во друштво на легенди. А сега сум со нив“ – вели популарниот „бејби Штербик“.
Тој потенцира дека многумина ги потценувале, велејќи дека немаат квалитет, а сега истите тие им симнуваат капа. Милосављев вели дека екипата во Келн делувала какo големо семејство.
„Проблемите во клубот не соединија, си помагавме едни на други, проработе нашиот балкански инает. Во финалето се гледаа и солзи во очите кај играчите, не размислувавме за пари, за договори, се беше повеќе од игра“ – вели тој.
Младиот голман ја заврши едногодишната авантура во Вардар на најдобар можен начин, со европска титула. Тој следната сезона ќе ги брани боите на германски Фуксе Берлин, во Бундеслигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шортс не успеа да спречи пораз на Париз од Црвена звезда
Ти-Џеј Шортс и екипата на Париз со пораз дебитираа во Евролигата. Актуелниот освојувач на Еврокупот загуби на домашен терен од Црвена звезда со 77:80.
Париз ја имаше контролата врз натпреварот две и пол четвртини, во еден момент предноста на домашните изнесуваше 13 поени, но и тоа не им беше доволно да забележат победа.
Шортс натпреварот го заврши со 16 поени, три скока и четири асистенции. Покрај Американецот со македонски пасош, двоцифрени во редовите на Париз беа Хифи и Ло со по 12, односно Хејс со 10 поени.
Кај Црвена звезда блескаше Немања Недовиќ со 21 поен за нешто повече од 21 минута, Кенан постигна 14 поени, Калиниќ и Мекинтаер по девет, првиот имаше и пет скока и три асистенции, вториот шест скока и седум асистенции.
Kalinaaaaaa 🔥🔥🔥#kkcz #WeAreTheTeam
— KK Crvena zvezda Meridianbet (@kkcrvenazvezda) October 4, 2024
Во вториот натпревар кој започна во 21 часот, Анадолу Ефес во Болоња го победи Виртус со 76:67. Во натпревар полн со пресврти гостите ги предводеа Отуру со 14 поени и девет скока, Брајант со 12 поени и пет скока, односно Ларкин со 11 поени, шест скока и три асистенции.
Кај Виртус се истакна Кординие со 16 поени. Поранешниот играч на Ефес, Клајбурн за 18 минути не постигна ниту еден поен, во статистиката запиша пет скока и една асистенција.
Спорт
Голем удар за Фенербахче, Вилбекин тешко се повреди
Кошаркарот на Фенербахче, Скоти Вилбекин се повреди во првото коло од Евролигата. Фенер со победа над Олимпијакос 82:71 ја започна новата сезона во елитното натпреварување.
Крајот на овој натпревар го одбележа расправијата меѓу двајцата тренери Шарунас Јасикевичиус и Јоргос Барцокас, кои имаа што да си кажат и за време на натпреварот.
На овој натпревар, поточно во втората четвртина, се повреди американскиот кошаркар со турски пасош Скоти Вилбекин.
Како што се стравуваше, повредата на Скоти Вилбекин е посериозна и тој ќе ја пропушти целата сезона 2024/25, пренесува новинарот Донатас Урбонас.
Тој вели дека се Вилбекин ги оштетил предните вкрстени лигаменти на коленото.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.