Црна хроника
Притворен разбојник кој упаднал во стан, го претепал сопственикот и избегал со 370 денари
Основното јавно обвинителство Куманово донесе наредба за спроведување истражна постапка против едно лице поради постоење основано сомнение дeка сторило кривичнo делo разбојништво.
Осомничениот 24-годишен жител на Крива Паланка на 4 јуни влегол во стан во сопственост на едно оштетено лице и одзел туѓи подвижни предмети со намера противправно да ги присвои.
„Тој во станот влегол преку незаклучена врата и од сопственикот, кој бил во домот, побарал пари. Оштетениот одбил да му даде пари по што осомничениот почнал да го удира со рацете и нозете по целото тело. Од ударите оштетениот добил тешки телесни повреди – контузија на главата, контузија на мозокот и фрактура на носот. Потоа осомничениот со нож се заканил, повторно барајќи пари од оштетениот. Бидејќи повторно не успеал во намерaта, со употреба на сила извршил пребарување во џебовите на жртвата и одзел 370 денари по што избегал“, велат од Обвинителството.
Судијата на претходна постапка од Основниот суд во Куманово го прифати предлогот на јавниот обвинител и на осомничениот му определи мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата уапси неколку лица по масовната тепачка пред ноќен клуб во Штип
Вчера во 05.30 часот во Штип, полициски службеници од СВР Штип ги привеле И.М.(27), И.Т.(20) и Н.Т.(22), сите од Кочани, затоа што околу 03.40 часот пред угостителски објект во Штип заедно со С.М.(34) од Штип го нарушиле јавниот ред и мир со физичка пресметка со А.С., М.П. и Д.Р., при што биле употребени тврди и остри предмети.
С.М. бил повикан на службен разговор во полициска станица. По целосно документирање на случајот ќе следува соодветен поднесок.
Црна хроника
Пукано кон возило во населбата „11 Октомври“
Вчера во 21.13 часот во СВР Скопје, Б.Ј. од Скопје пријавил дека едно лице од огнено оружје пукало во неговото патничко возило „опел корса“ со скопски регистарски ознаки, паркирано пред неговата куќа на подрачјето на населбата „11 Октомври“ во Скопје.
Увид на местото извршила екипа од Полициската станица Кисела Вода и биле пронајдени четири чаури.
Се преземаат мерки за расчистување на случајот.
Црна хроника
Скопјанка ограбена на Бит Пазар, насилно и било одземено ланче
Вчера во 16 часот во СВР Скопје, 63-годишната С.А. од Скопје пријавила дека околу 14.55 часот на подрачјето на Бит Пазар едно лице со употреба на физичка сила ѝ одзело ланче.
Се преземаат мерки за расчистување на случајот.