Скопје
Доделени 714 ваучери за еднократна парична помош за новороденчиња во Општина Кисела Вода
Вкупно 714 ваучери за еднократна парична помош за семејствата со новороденчиња додели Општината Кисела Вода во изминатиов период.
Градоначалничката на Општина Кисела Вода, Билјана Беличанец-Алексиќ, во петок, по 16-ти пат, додели еднократна парична помош од 6.000 денари за семејствата со новороденчиња.
„Живеејќи во време кога намалувањето на наталитетот е глобален проблем од кој ниту една држава нема имунитет, драго ми е што во нашата општина се зголемува бројот на население. Со големо задоволство сакам да констатирам дека со денешното доделување на еднократна парична помош за семејствата со новороденчиња ја надминавме бројката од 700. Значи, 714 доделени ваучери, 714 новородени деца, 714 нови жители на оваа општина“, истакна Беличанец-Алексиќ.
Додаде дека мерката која беше донесена на нејзина лична иницијатива, како градоначалник на општина Кисела Вода и со која на родителите им се излегува во пресрет на првите потреби за новороденчето, ќе се спроведува сѐ до крајот на нејзиниот мандат.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје
Во официјална посета на Република Северна Македонија ќе присуствува Претседателката на Парламентот на Р. Албанија, г-ѓа Елиса Спиропали.
Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на Град Скопје.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.
Скопје
Герасимовски: Поставивме 720 фотоволтаични панели на покривот на ООУ „Киро Глигоров“
Основното училиште „Киро Глигоров“ е вториот објект во Општина Центар кој доби фотоволтаични панели на покривот. На кровната површина се поставени 720 панели со максимална инсталирана моќност од 396,00 Kw (киловати) за производство на електрична енергија. Нивниот приклучок се очекува наскоро, а градоначалникот на Општина Центар Горан Герасимовски информира дека целиот процес за набавка и инсталирање на фотоволтаичната централа е од општинскиот буџет и е во висина од 7.3 милиони денари.
„Според истражувањата на пазарот, за реализирање на оваа инвестиција од општинскиот буџет првично планиравме 18 милиони денари, ама на Јавната аукција цената се симна на 7.3 милиони денари. Со поставувањето на оваа фотоволтаична централа ние очекуваме значително да се намалат вкупните трошоци за електрична енергија, што нам како локална самоуправа ќе ни овозможи да вложиме повеќе средства во одржување на високиот квалитет на услугите за образование на децата, потенцира Герасимовски.
Минатата година Општина Центар по само неколку месеци од основањето на трговското друштво за производство и продажба на „Енергија Центар“ ја постави првата фотоволтаична централа на кровот на градинката „Пепелашка“.
Скопје
Без струја дел од Кисела Вода
Од ЕВН Македонија АД известуваат дека денеска без електрична енергија ќе остане дел од општина Кисела Вода.
Во периодот од 08.00 до 14.00 часот, струја ќе немаат корисниците од Драчево, улица Чучевска, улица Китка (општина Кисела Вода).