Црна хроника
Украден златен накит вреден околу 10.000 евра

Златен накит во вредност од околу 10.000 евра бил украден од куќа во сопственост на триесет и шестгодишен скопјанец, соопшти МВР.
Разбојникот насилно влегол во куќата, вечерта во неделата спроти понеделникот и украл накит во вредност од околу 606.000 денари и причинил материјална штета од околу 9.000 денари. Се преземаат мерки за пронаоѓање на сторителот. /крај/мвр/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Струмичанец со автомобил удрил во полицаец

Еден полицаец е повреден откако во него удил струмичанец со автомобил кој не застанал на даден знак за легитимирање.
Според информациите на МВР, полицијата поднесе кривична пријава против З.П. (37) од Струмица, поради постоење основи за сторено кривично дело „напад врз службено лице при вршење работи на безбедноста“.
На 27 февруари во Струмица, пријавениот со автомобил „мерцедес“ наместо да застане на даден знак на полициски службеници заради легитимирање и контрола, директно се упатил кон нив со возилото, при што удрил еден од полициските службеници, нанесувајќи му повреда.
Црна хроника
Претрес во Прилепско, пронајдена пушка и муниција, уапсен скопјанец

Денеска полициски службеници од ОВР Прилеп при СВР Битола го лишиле од слобода 45-годишниот Ј.А. од Скопје.
Врз основа на судска наредба од Основен суд Прилеп, извршен е претрес во викендичка во близина на село Витолиште, прилепско, во сопственост на 45-годишниот Ј.А. од Скопје.
При претресот била пронајдена ловна пушка со калибар 16мм , ловни патрони со калибар 16мм, 223 куршуми од автоматска пушка, 70 куршуми за пиштол, четири рамки од автоматска пушка, две рамки од полуавтоматска пушка и граната.
По документирање на случајот, ќе биде поднесена соодветна пријава.
Црна хроника
Нова сообраќајка на Партизанска: автомобил удри во жена, тешко е повредена

Шеесет и осумгодишна жена од Скопје била удрена од автомобил денес околу 16 часот на улицата Партизански одреди.
Таа е пренесена во Градската болница и констатирани и се тешки телесни повреди.
Од МВР информираа дека во неа удрило патничко возило „опел” со скопски регистарски ознаки, управувано од В.Ј.(26) од Скопје.
Известен е јавен обвинител и против В.Ј. ќе биде поднесена кривична пријава.