ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на владеењето на СДСM, заедно со поранешниот премиер Зоран Заев, водел политика за населување мигранти во Македонија.

Во соопштението се наведува дека во периодот на владеење на Сoцијалдемократскиот сојуз постоела, како што тврдат, партиска и државна политика за носење мигранти, при што се посочува дека во 2018 година бил усвоен План за изградба на мигрантски камп во населбата Бардовци.

Според ВМРО-ДПМНЕ, одлуката за изградба на кампот е објавена во Службен весник во 2018 година и се однесува на имот со Имотен лист број 2140 за катастарската општина Бардовци.

Од партијата тврдат дека СДСМ и Филипче, и покрај, како што наведуваат, јавно изнесените деманти дека во Македонија ќе се носат мигранти од Велика Британија, продолжуваат да конструираат приказни и да шират паника меѓу граѓаните.

Во соопштението се поставуваат прашања до Венко Филипче и Зоран Заев за тоа колку мигранти биле подготвени да примат и каков профит би оствариле од таков чекор, како и зошто, според ВМРО-ДПМНЕ, континуирано ја актуелизираат темата со мигрантите.

На крајот, од ВМРО-ДПМНЕ повикуваат СДСМ и Филипче да престанат со, како што наведуваат, ширење паника и да се посветат на внатрешни партиски реформи, додавајќи дека „единствени мигранти во Македонија се партиските мигранти на СДС кои заминуваат во други партии“.

Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со денови одбива јасно да одговори дали ќе ја потпише предложената резолуција со која, како што наведуваат, треба да им се гарантира на граѓаните дека во Македонија нема да има прифаќање мигранти за пари.

Од СДСМ наведуваат дека наместо директен одговор, Мицкоски најавува локални иницијативи преку советниците на ВМРО-ДПМНЕ во одредени општини, што според партијата е обид темата да се префрли од државно на локално ниво.

„Зошто Мицкоски не го споменува Собранието, туку зборува за општини? Собранието е највисокиот орган на државата и е составено од пратеници директно избрани од народот. Затоа резолуцијата е народен договор“, се наведува во соопштението.

Од СДСМ посочуваат дека Собранието е над општините и има надлежност да спречи прифаќање мигранти на целата територија на државата. Во соопштението иронично се додава дека „добро е што премиерот не најавил иницијативи на ниво на месни заедници“.

Партијата уште еднаш го повика премиерот Христијан Мицкоски јасно да се изјасни дали ќе ја потпише резолуцијата, наведувајќи дека од него се бара едноставен одговор – „да“ или „не“, и тоа, како што велат, не до СДСМ, туку до граѓаните.

Вчера, претседателот на СДСМ, Венко Филипче, соопшти дека опозицијата се обединува против, како што беше наведено, тајните договори на Владата предводена од ВМРО-ДПМНЕ за прифаќање мигранти. Филипче информираше дека на негова покана се одѕвале претставници на сите партии од опозициската коалиција, кои разговарале за договор за мигранти со Велика Британија.

Тој изјави дека сите учесници се согласиле оти ваквиот модел претставува голема опасност за државата и нагласи дека резолуцијата за прекин на процесот за примање мигранти не е партиска, туку државничка и граѓанска иницијатива.

Од друга страна, премиерот и претседател на ВМРО-ДПМНЕ, Христијан Мицкоски, вчера изјави дека мигрантски кампови нема да има и најави дека советниците на ВМРО-ДПМНЕ ќе поднесат иницијативи до советите во општините за усвојување документи со кои ќе се забрани формирање мигрантски кампови на нивните територии.

Тој го обвини СДСМ дека свесно шири страв и паника кај граѓаните, посочувајќи дека Владата и надлежните институции повеќепати ги демантирале ваквите тврдења.

Претседателот на САД, Доналд Трамп, рече дека не знае ништо за најновите фотографии поврзани со Џефри Епштајн, одговарајќи на новинарско прашање додека потпишуваше закон во Овалната соба.

„Не ги видов, но сите го знаеја тој човек, тој беше насекаде во Палм Бич“, рече Трамп. „Тој има фотографии со сите. Има стотици и стотици луѓе кои имаат фотографии со него. Не е ништо посебно, не знам ништо за тоа.“

Трамп се појавува на три фотографии објавени претходно од демократите во Комитетот за надзор на Претставничкиот дом.

🚨 BREAKING: Oversight Dems received 95,000 new photos from Jeffrey Epstein’s estate. These disturbing images raise even more questions about Epstein and his relationships with some of the most powerful men in the world.

Time to end this White House cover-up. Release the files! pic.twitter.com/nQNIywayb9

— Oversight Dems (@OversightDems) December 12, 2025

Американскиот претседател претходно призна дека тој и Епштајн биле во пријателски односи, но тврди дека се разделиле на почетокот на 2000-тите, години пред Епштајн да биде првпат уапсен.

Покрај Трамп, на фотографиите се и поранешниот претседател Бил Клинтон, коосновачот на Мајкрософт, Бил Гејтс, принцот Ендру и други влијателни луѓе.

🚨BREAKING🚨:NEW BATCH OF EPSTEIN PHOTOS RELEASED 📸

A major new trove of Jeffrey Epstein–related photographs has been made public, offering fresh insight into his movements, associates, and properties. pic.twitter.com/LBoAQCjtwu

— The_Independent (@TheIndeWire) December 12, 2025

На една црно-бела фотографија, Трамп се смее со неколку жени покрај себе. Лицата на жените се зацрнети. Друга слика го покажува Трамп како стои до Епштајн, а трета, помалку јасна слика го покажува како седи до друга жена, чие лице исто така не е видливо. Не е јасно кога или каде се направени фотографиите.

Портпаролката на Белата куќа, Абигејл Џексон, изјави дека администрацијата на Трамп „направила повеќе за жртвите на Епштајн отколку што некогаш направиле демократите“.