Спорт
Ракометарите со тешка и тесна победа над Турција!

Иако никој не очекуваше дека ќе се работи за лесен меч, македонската ракометна репрезентација се намачи пред да стигне до 26:25 (11:13) победа над Турција во квалификациски меч за Европското првенство во 2020 година, откако Никола Митревски со одбрана во последната секунда во мечот го спаси триумфот и осигура по петти пат Македонија да се пласира на континенталниот шампионат.
Нашата репрезентација имаше добар старт на мечот за да стигне до максимална предност од четири гола (3:7 и 4:8), меѓутоа, Турците успеаја да направат пресврт и да дојдат до 13:11 водство во првите 30 минути. Предноста на домашен терен во Ексишехир го направи своето и Турците водеа во првата половина на второто полувреме, пред на крајот сепак, нашиот квалитет да го направи своето и предводени од Талески да стигнеме и до два гола предност пред драматичниот финиш на мечот.
Со оваа победа, Македонија останува на првото место во групата 3, со 3 победи, едно реми и еден пораз, пред домашниот меч со Грција, каде што треба сигурно да се одмаздиме за незгодниот пораз на гостувањето во Кожани и да ги комплетираме квалификациите за подобри шанси на ждрепката за континенталниот шампионат.
ЕВРО 2020, КВАЛИФИКАЦИИ
Турција – Македонија 25:26 (13:11)
Грција – Исланд
Табела: 1.Македонија 7, 2.Исланд 5, 3.Турција 4, 4.Грција 2
Фото: РФМ
Close but no cigar for Turkey tonight. North Macedonia is ready for #EHFEURO2020. pic.twitter.com/ARuvwvGY2C
— Rasmus Boysen (@RasmusBoysen92) June 12, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Влаховиќ ги прифатил условите, се сели во Милан

Душан Влаховиќ, како што сега стојат работите, кариерата ќе ја продолжи во Милан.
Јувентус долго време сака да се ослободи од Влаховиќ, особено поради неговата висока плата, и се чини дека во Торино нашле решение
„Старата дама“ ја одреди цената. Јувентус би го пуштил Влаховиќ за 30 милиони евра. Тоа е повеќе од 50 милиони евра помалку отколку кога го доведоа од Фиорентина во 2022 година. Јуве за Влаховиќ на Фиорентина 81,6 милиони евра.
На крајот, Јувентус ќе го пушти Влаховиќ за помалку од 30 милиони.
Големиот ривал на Јувентус, тимот на Милан предводен од клупата од поранешниот тренер на Влаховиќ, Масимилијано Алегри ќе го ангажира Србинот.
Милан, според италијанските медиуми, му понудиле на Влаховиќ плата помеѓу шест и седум милиони евра. Јувентус ќе добие 15 милиони евра и во Торино ќе се пресели Алексис Салемакерс.
Спорт
Карабаг ќе игра во главната фаза во Лигата на шампионите

Фудбалерите на Карабах втор пат в клупската историја се квалификуваа во главната фаза од Лигата на шампионите.
Клубот од Азербејџан загуби во реваншот од плејофот против Ференцварош со резултат 2:3, но победата од 3:1 во првиот натпревар беше доволна за пласман.
Почна добро за гостите од Унгарија. Во 12-та минута, Јозеф искористи додавање од искусниот Варга и постигна гол. Сепак, до крајот на првото полувреме, практично сè беше решено. Карабах израмни во 25-та минута преку Андраде, а непосредно пред крајот на полувремето, пресврт напави Зубир.
Ференцварош имаше речиси невозможна задача. Варга, сепак, ги разгоре надежите со гол во 55-та минута од пенал, а Тот најави комплетна офанзива со гол во 82-та минута.
Ференцварош ги фрли сите карти во нападот, но не можеше да постигне гол што ќе ги однесеше во продолжение.
Карабаг е вториот тим од самиот исток на Европа што ќе игра во лигашката фаза од Лигата на шампионите. Каират од Казахстан, исто така, направи голем подвиг еден ден претходно.
На патот до главната фаза, Карабаг во третото коло ја елиминира Шкендија.
Спорт
Ѓоковиќ со загубен сет до третата рунда на Ју-ес опен

Новак Ѓоковиќ е во третото коло на Отвореното првенство на САД. Најдобриот во историјата го победи квалификантот Закаријас Сваида (145-ти на АТП) листата со 6:7 (5:7), 6:3, 6:3, 6:1 по два и пол часа на стадионот „Артур Еш“.
Луден меч одигра Србинот, без многу енергија. Веројатно поради фактот што излезе на теренот невообичаено рано.
Новак беше далеку од врвно ниво. Сепак, успеа да го најде вистинскиот ритам откако го загуби првиот сет и на крајот славеше рутински.
„Да бидам искрен, не беше баш најдобро. Не играв најдобар тенис од самиот почеток. Зак играше висококвалитетен тенис во одредени фази од натпреварот. Честитки. Многу е важно и добро за него што остана на теренот и покрај проблемите. Сет и пол ме туркаше да играм најдобро што можам.
Ми се чини дека колку подалеку одам на Гренд слем турнирите, толку поудобно се чувствувам. Закрепнувањето по тешките натпревари е многу важно. Ова се некои работи што се рутински. Благодарност до сите што ме бодреа“, рече Ѓоковиќ
Негов следен противник ќе биде подобар од Камерон Нори (Велика Британија) – Франциско Комесања (Аргентина).
Foto/ EPA/SARAH YENESEL