Спорт
Ѓоковиќ: Сѐ и должам на мојата сопруга Јелена

Во интервју за германскиот „Ди велт“, светскиот рекет број 1, Новак Ѓоковиќ зборуваше за поддршката која ја имал од својата сопруга Јелена во тешките моменти во кариерата.
„ Сѐ и должам на Јелена. Таа ме натера да се соберам кога бев буквално скршен. Кога немав мотивација да продолжам со тенисот. Кога не го сакав тоа веќе и се прашував дали вреди да продолжам со уморот и болката цело време. Јас сакав да завршам со сѐ, откако вложував толку напор но не се наоѓав. Јелена ме излечи, ме охрабри и ми кажа да почекам и дека семејството е тука за мене, како и секогаш. Требаше да бидам трпелив и да не уништам сѐ што градевме со години“, вели Ѓоковиќ.
Србинот додава дека пресвртот се случил во неговата 30-та година во животот.
„Не знаев дека не можам да контролирам сѐ во животот. Јас бев момче кое го гледа топчето на теренот. Ги гледав важните цели, но не и начинот како да се стигне до нив. Сакам да освојам уште гренд слем титули, но сакам да сум и ментално целосен и балансиран. Едноставно: Тоа што го правам денес, да ми помогне утре. Сега сум татко. Секој може да биде татко, но тешко е да си родител. Сега внимавам на однесувањето и си велам: ’Што би кажал мојот син Стефан, кој има четири години, да ме види сега’“, објаснува Ѓоковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.