Спорт
Србија со драматична победа, Карачиќ донесе прво ЕП за БиХ!
Србија и Босна и Херцеговина се пласираа на Европското првенство во ракомет во 2020 година, по победите во клучното последно коло за континенталниот шампионат, по што се познати сите 24 учесници.
Србија со тесна 32:31 победа над Швајцарија стана една од четирите третопласирани репрезентации кои обезбедија пласман на ЕП. Србите имаа и предност од пет голови (29:24), која им го носеше второто место на табелата, но следуваше голем пад во играта на тимот на Ненад Перуничиќ, и гостите поведоа со 31:30. По ова следуваше драмата, откако Немања Зеленовиќ го постигна победничкиот гол на 21 секунди пред крајот за 32:31 победа.
Босна и Херцеговина пак, првпат во својата историја се пласираше на едно Европско првенство, откако на гости во Острава стигнаа до 23:24 победа над Чешка. Одлучувачкиот гол го постигна Иван Карачиќ, најстариот брат на херојот на РК Вардар, Игор Карачиќ.
ЕП 2020 КВАЛИФИКАЦИИ, ПОСЛЕДНО, 6.КОЛО
ГРУПА 1
Германија – Косово 28:17 (16:5)
Полска – Израел 26:23 (10:11)
Табела: 1.Германија 12, 2.Полска 5, 3.Израел 4, 4.Косово 3
ГРУПА 2
Хрватска – Белгија 28:19 (15:9)
Србија – Швајцарија 32:31 (19:17)
Табела: 1.Хрватска 11, 2.Швајцарија 6, 3.Србија 6, 4.Белгија 1
ГРУПА 3
Македонија – Грција (13:11)
Исланд – Турција (12:9)
Табела: 1.Македонија 9, 2.Исланд 8, 3.Турција 4, 4.Грција 3
ГРУПА 4
Словенија – Естонија 32:28 (19:11)
Холандија – Летонија 25:21 (13:11)
Табела: 1.Словенија 10, 2.Летонија 8, 3.Холандија 6, 4.Естонија 0
ГРУПА 5
Белорусија – Финска 40:15 (20:8)
Чешка – Босна и Херцеговина 23:24 (10:11)
Табела: 1.Чешка 8, 2.Белорусија 8, 3.БиХ 8, 4.Финска 0
ГРУПА 6
Франција – Романија 34:25 (19:14)
Португалија – Литванија 28:28 (16:13)
Табела: 1.Франција 10, 2.Португалија 9, 3.Литванија 3, 4.Романија 2
ГРУПА 7
Унгарија – Италија 32:29 (16:14)
Русија – Словачка 30:20 (17:8)
Табела: 1.Унгарија 11, 2.Русија 9, 3.Италија 4, 4.Словачка 0
ГРУПА 8
Црна Гора – Украина 27:21 (15:7)
Данска – Фарски Острови 31:24 (17:13)
Табела: 1.Данска 10, 2.Црна Гора 7, 3.Украина 6, 3.Фарски Острови 1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Порту ја растури Барселона, Реал ја освои титулата во Шпанија
Фудбалерите на Џирона ја победија Барселона во 34.коло со 4:2 и го промофираа Реал Мадрид во нов шампион на Шпанија. На четири кола до крајот на сезоната Реал има 13 бодови повеќе од Џирона и 14 од Барселона.
Џирона втор пат сезонава во каталонското дерби ја победи Барселона. На „Монтоливи“, вечерва избраниците на Мичел славеа со пресврт.
Кристенсен погоди за Барселона во третата, а во четвртата минута изедначи Довбик со својот 17.коло во Примера. Втор пат во историјата на Примера се случива двата тима да постигнат по гол во првите пет минути.
До крајот на полувремето, во 46.минута), Левандовски направи пресврт и Барса со 1:2 замина на одмор.
Второто полувреме мина во знакот на Порту. Крилниот напаѓач на Џирона, во само девет минути ја креираше победата на својот тим. Во 65.минута изедначи на 2:2, потоа у асистираше на Гутиерез, а во 74.минута со својот втор гол стави точка на натпреварот.
Спорт
(Видео) Покер голови на Халанд, Сити го декласира Вулверхемптон
Фудбалерите на Манчестер сити на домашен терен го декласираа Вулверхемптон со 5:1, во 36. коло од англиската Премиер лига.
Блескаше Ерлинг Халанд кој постигна четири гола за домашниот тим (два од пенал). Сакаше да го постигне и петтиот поради што беше видно незадоволен и негодуваше во моментот кога Пеп Гвардиола реши да го замени во 82. минута.
Со оваа победа „Граѓаните“ ја задржаа пол-позицијата во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал, кој ќе гостува кај Манчестер јунајтед и ќе го пречека Евертон во последното коло.
Денеска избраниците на Пеп Гвардиола ја завршија работата во првото полувреме кое го одиграа во прилично лесен ритам и го решија во своја корист со 3:0, благодарение на хет-трикот на Ерлинг Халанд.
Во вториот дел Хванг намали на 3:1, но Халанд само 60 секунди подоцна му ја врати на Сити преднста од три гола. До крајот замената на Халанд, Хулијан Алварез во 84.минута го постави конечниот резултат.
Спорт
Спринтот во Мајами му припадна Макс Ферстапен
Возачот на Ред Бул, Макс Ферстапен, триумфираше на втората спринт трка во сезоната, која се возеше како дел од Големата награда на Мајами, шестата трка од овогодинешниот шампионат во Формула 1.
На тој начин, трикратниот светски шампион ја забележа втората победа во спринт сезонава, а воедно го задржа и максималниот учинок низ улиците на Мајами, откако победи во претходните две изданија на оваа трка.
Исто така, Ферстапен ја продолжи својата серија без пораз во Соединетите Држави откако се врати од пандемијата на коронавирус, тој славеше три пати во Остин и во Лас Вегас минатата година.
Најблиску до холандскиот возач беше Шарл Леклер во Ферари, додека вториот возач на Ред Бул, Серхио Перез беше на третото скалило на подиумот.
Ферстапен ја обезбеди победата во спринтот уште на самиот старт, кога ја одбрани својата позиција од Леклер, додека Даниел Рикиардо во болидот на тимот на РБ се проби пред Перез.
Недолго потоа, безбедносното возило излезе на патеката, бидејќи Ландо Норис застана на патеката, по инцидентот што го започна седумкратниот светски шампион Луис Хамилтон. Возачот на Мерцедес закочи предоцна, удри во Фернандо Алонсо во Астон Мартин, кој налета на неговиот тимски колега Ленс Строл, кој го истурка Норис. Двократниот светски шампион во тој момент за Хамилтон изјави дека „летал како бик“.
Кога возилото за безбедност ја напушти патеката, Макс успеа да се одлепи од Леклер, кој беше сигурен на второто место, но Рикиардо брзо мораше да му ја отстапи третата позиција на Перез.
Австралиецот мораше да се задоволи со четвртото место, бидејќи до крајот успеа да одолее на нападите на Карлос Саинц Јуниор во Ферари.
Шестото место го зазеде Оскар Пјастри од Мекларен, пред возачот на Хас Нико Хилкенберг и Луис Хамилтон, но на крајот од трката тој беше казнет со 20 секунди поради пребрзо возење низ боксот.
На овој начин последниот поен му припадна на Јуки Цунода, кој беше претекнат од Хамилтон по дуелот со Кевин Магнусен во болидот на Хас, кој во неколку наврати недозволено се бранеше во дуелите со Хамилтон, поради што доби казна од 20 секунди.