Спорт
Тоти си заминува со горчина во устата: Како да умирам!
Легендата на Рома, Франческо Тоти ги потврди шпекулациите и денеска на прес-конференција објави дека си заминува од клубот и во исто време упати многу обвинувања кон американскиот сопственик на тимот, Џејмс Палота.
Тоти вели дека тие го исклучувале од секоја одлука и зборуваше за тоа како се чувствува да ја прекине 30-годишната поврзаност со „волчицата“.
„Ќе беше прекрасно новите сопственици да веруваа во мене. Тие ги знаеја моите намери и тоа што го сакав, да дадам многу за овој клуб, но искрено никогаш не ме сакаа. Ме исклучуваа од секоја одлука. Односите со техничкиот директор Франко Балдини беа непостоечки. Само ќе кажам дека никогаш нема да направам нешто да ја оштетам Рома. Ова е многу полошо од пензионирањето како фудбалер. Да се замине од Рома е како да се умре. Чувствувам дека ќе беше подобро да умрев“, вели Тоти.
Totti: “Too much time is spent making decisions at Trigoria. You need one person to decide, not ten. De Rossi? I told them to handle things differently with him than they did with me. I think it was all done on purpose in order to remove Romans from Roma”.https://t.co/I7YCVT6rdL
— RomaPress (@ASRomaPress) June 17, 2019
Откако ја помина целата кариера во Рома, постигнувајќи 307 гола во 786 настапи во 25 сезони, 42-годишниот Тоти пред две години се повлече од спортот, но вели дека работите се смениле во 2011 година кога дојде американскиот конзорциум. Тој на прес-конференцијата дури изјави дека Американците не сакаат римјани во клубот откако и Даниеле де Роси минатиот месец го одигра последниот меч за клубот откако не му понудија нов договор.
„Осум години Американците се обидоа да не отстранат од Рома. Јас никогаш не бев вклучен во технички проект. Првата година не беше проблем, но втората година знаев што сакам да правам и не добив шанса. Еден од нас мораше да замине. Тие не сфаќаат што прават тука, бидејќи не живеат во градот, не ги чувствуваат весниците, радиото. Кога си од Рим, сфаќаш што е да си римјанин и сосема е поинаков. Палота никогаш не беше тука“, додава Тоти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Челси заинтересиран за Јан Облак
Челзи е заинтересиран за Јан Облак, голманот на Атлетико Мадрид и репрезентацијата на Словенија, пренесуваат шпанските медиуми.
Облак (31) е член на Атлетико од 2014 година, а има договор со „јорганџиите“ до 30 јуни 2028 година.
Шпанските медиуми пренесуваат дека Атлетико би можел да го продаде словенечкиот репрезентативец во летниот преоден рок за да обезбеди пари за трансфери на нови играчи.
„Трансфермаркт“ истакнува дека Облак вреди околу 30 милиони евра. Словенецот бранел за Атлетико на 442 официјални натпревари. За репрезентацијата на Словенија, со која ќе настапи на ЕУРО 2024 иа одиграно 64 натпревари.
Шпанските медиуми истакнуваат дека Челзи е во потрага по нов голман, иако лондонскиот клуб ги има на располагање Ѓорѓе Петровиќ, Роберто Санчез и Маркус Бетинели, како и Капа Аризабалага, кој моментално е на позајмица во Реал.
Спорт
Шампионската титула на Реал ќе му биде врачена зад затворени врати
Фудбалскиот сојуз на Шпанија не го прифати барањето на реал Мадрид, 36.шампионска титула да им биде врачена по натпреварот со Алавес на 14.мај.
Реал, во саботата, математички ја обезбеди шампионската титула во Шпанија. Планот на Фудбалскиот сојуз на Шпанија беше трофејот на „кралскиот клуб“ да му биде врачен во сабота во Гранада.
Овој предлог Реал го одби од почит кон противникот. Одбија да слават на теренот на тимот кој испаѓа од Примера.
Поради тоа Флорентино Перез побара титулата на играчите да им биде врачена на 14.мај кога на „Сантијаго Бернабеу“ ќе гостува Алавес. Овој предлог Фудбалскиот сојуз на Шпанија го одби и најави дека трофејот ќе биде врачен во 12 мај наутро во тренинг центарот на Реал во Валдебебас, зад затворени врати.
Федерацијата го извести Реал Мадрид да ги извести играчите дека треба да бидат во Валдебебас во недела наутро, бидејќи планот е церемонијата да се во 9:30 часот, а на доделувањето на трофејот нема да присуствуваат навивачите.
Трофејот ќе го врачи претседателот на шпанската фудбалска федерација Педро Роча.
Спорт
(Видео) Ова е совршено изведен пенал
Многумина тврдат дека ова е најдобро изведениот пенал во историјата на фудбалот.
Често велат дека пеналите се лотарија и не постои перфектно изведен пенал. Сепак, за шутирање од белата точка е потребен и тренинг, а не само талент. И ако ги комбинирате двете, тој пенал навистина може да биде совршен.
Во шпанската Сегунда на четири кола пред крајот се води голема борба за пласман во Ла Лига. Во моментов водат Леганес и Ваљадолид со по 67 бодови, а зад нив е Еибар со 64 бодови.
Токму Еибар, викендов славеше со убедливи 5:0 против Аморебиета, а мечот го одбележа пеналот на Агер Акече.
Otro ángulo del gol de Aketxe. #SDEibar pic.twitter.com/n40j2V88t5
— El Milagro de Valencia (@EibarXtra) May 6, 2024