Спорт
Естонски предизвик за Шкендија!
Двократниот естонски шампион, Номе Калjу од Талин ќе биде противникот на Шкендија во првото квалификациско коло во Лигата на шампионите, одреди ждрепката која денеска се оддржа во Нион, Швајцарија.
Ова е можеби најслабиот противник кој можеше да го добие Шкендија, бидејќи како носител во првата група можеше да игра уште со Судува (Литванија), Арарат (Ерменија), ЦФР Клуж (Романија) и Ференцварош (Унгарија).
Калjу е тим основан во 1923 година, и повторно реобновен во 1997 година, и двапати беше шампион на балтичката земја (2012 и 2018 година). Во нивниот состав мнозинството го прават естонски фудбалери, со Италијанецот Масимилијано Уге и со Бразилецот Лилиу како засилувања.
Првите мечеви се играат на 9 и 10 јули, додека реваншот е на 16/17 јули.
ЛИГА НА ШАМПИОНИ, 1. КВАЛИФИКАЦИСКО КОЛО
Номе Калју (Ест) – Шкендија (Мкд)
Судува (Лет) – Црвена звезда (Срб)
Арарат (Ерм) – АИК Стокхолм (Шве)
Астана (Каз) – ЦФР Клуж (Ром)
Лудогорец (Буг) – Ференцварош (Унг)
Селтик (Шко) – Сараево (БиХ)
Шериф Тираспол (Мол) – Сабуртало (Гру)
Дуделанж (Лук) – Валета (Мал)
Партизани (Алб) – Карабаг (Азе)
Слован Братислава (Свк) – Сутјеска (ЦГо)
Линфилд (СИр) – Розенборг (Нор)
Валур (Исл) – Марибор (Сло)
Дандалк (Ирс) – Рига (Лет)
Њу Сеинтс (Вел) – победник од прелиминарната рунда
ХЈК Хелсинки (Фин) – ХБ Торсхавн (Фар)
БАТЕ Борисов (Блр) – Пјаст Гливице (Пол)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Брансон ја испрати Филаделфија на летен одмор, Милвоки без Јанис немоќни против Индијана
Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата. Изминатата ноќ Никс и Пејсер ги забележаа победите број 4 против Филаделфија односно Милвоки.
Пред една деценија, Филаделфија го избра Џоел Ембид како прв пик на драфтот. Со него Сиксерси се уште немаат финале на Истокот.
Брилијантниот Џејлен Брансон го предводеше Њујорк до победата 118:115 во шестиот натпревар.
Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока.
Џош Харт додаде 16 поени, 14 скока и седум асистенции и ја постигна клучната тројка за победа на 24,4 секунди до крајот.
Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.
Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.
Оби Торпин со 21, Ти-Џеј Меконел со 20 поени и девет асистенции, односно Паскал Сијакам со 19 ја предводеа Индијана.
На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени.
Спорт
Тонали повторно е казнет поради обложување
Фудбалерот на Њукасл, Сандро Тонали (23), повторно е казнет за нелегално обложување.
Фудбалската асоцијација на Англија (ФА), го казни со двомесечна суспензија условно и 20.000 фунти поради кршење на правилата поврзани со забраната за обложување во Англија.
Оваа казна значи дека Тонали ќе може да се врати на терените откако ќе му истече 10-месечната забрана што му ја изрече Италијанската фудбалска федерација (ФИГЦ) на 27 октомври минатата година, со услов да не направи нов прекршок.
Минатата есен, ФИГЦ го казни Тонали за обложување на натпревари во Италија, а поради тоа овој талентиран играч за врска нема да може да игра на Европското првенство во Германија, каде Италија ќе ја брани шампионската титула.
Тонали на почетокот на оваа сезона се пресели од Милан во Њукасл за 70 милиони фунти и веднаш покажа дека ќе биде големо засилување за „страчките“.
Сепак, набрзо следеше суспензијата на ФИГЦ, па младиот Италијанец забележа само осум настапи, на кои постигна еден гол во дресот на Њукасл.
Спорт
Уште еден голем пријател на Меси пред трансфер во Интер
Уште еден пријател на Лионел Меси наскоро би можел да пристигне во Интер Мајами. Како што пренесува ЕСПН, Анхел Ди Марија ги започнал преговорите со Дејвид Бекам.
„Ди Марија сериозно преговара со Мајами и можеби тој ќе стане челн на тимот веќе во јули. Таа опција му се допаѓа на Фидео (прекар Ди Марија)”.
На Анхел Ди Марија договорот со Бенфика му истекува на крајот од сезоната.
Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.
Интересно е тоа што Ди Марија отсекогаш имал голема желба да игра со Меси, а уште додека играше во Реал Мадрид заедно со Кристијано Роналдо велеше дека Меси е најдобриот фудбалер на светот.