Европа
Саркози: Не е време за `војна` со Русите
Тоа што Западот подготви сцена за нова студена војна со Русија, во овој момент е сериозна грешка, смета поранешниот француски претседател Никола Саркози.
Во интервјуто дадено за „Фигаро“, Саркози потенцирал дека Русија на Западот му е потребна за да се завршат судирите во Сирија и да се добие битката против терористичката организација Исламска држава.
„Тоа секако не значи дека треба да се согласиме со Москва околу се што се случува во Доњецк“, рекол Саркози.
Поранешниот шеф на француската држава и човек кој полека се враќа на политичката сцена, смета дека Русија би требало да се врати на маса со своите партнери од Европа и САД.
„Русија би требало да се врати во Г8, да се откаже од забраната за увоз, а Европа мора да го обнови обострано корисниот дијалог со Москва“, смета Саркози.
Кога станува збор за граѓанската војна во Сирија, тој смета дека треба да се организира национално помирување, вклучувајќи ги членовите на поранешниот систем на управувањето на земјата, што според него е услог за мир.
„Она што се случува во Сирија нас директно не погодува. Секој пат кога Европа ќе му сврти грб на Медитеранот, и врти грб и на својата иднина. Немаме избор, мора да интервенираме“, констатира тој.
Говорејќи за бегалската криза со која Европа се соочува, поранешниот француски претседател истакнува дека треба повторно да се втемели европската миграциска политика, што подразбира преиспитување на Шенгенскиот договор бидејќи како што вели, Шенген повеќе не функционира.
„Треба привремено да се сопре слободното движење на неевропските граѓани по Шенген зоната“, укажува Саркози. Тој се противи на воведувањето на квоти за распределбата на мигрантите меѓу земјите членки на ЕУ во сегашната состојба и смета дека тие треба да се воведат дури откако ќе се усвои заедничката европска миграциска политика, која треба да направи разлика помеѓу воените и политичките бегалци.
Саркози смета и дека треба да се отворат прифатни центри за бегалците во земјите кои се на периферијата на Шенген зоната, на исток, како и на југ, односно оние земји кои станаа транзит зона за мигрантите кои чекаат да влезат во Европа. Во овие центри, според Саркози, бегалците би биле сместени се додека не се утврди дали се воени, политички или каков и да е статус кој ќе им се додели, и тие треба да бидат финансирани од Саркози./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.