Црна хроника
Седум малолетници извршители на тешки кражби во Скопје

Врз основа на оперативни сознанија за можна инволвираност како сторители, а согласно законските одредби од Законот за малолетничка правда, во временскиот период од 21.01.-05.02.2014 година, во ПС од ОН Центар биле приведени вкупно седум малолетни лица со кои полициските службеници оствариле службени разговори, информираат од Министерството за внатрешни работи.
Од добиените сознанија било утврдено дека лицата во периодот од 26.11.2013 година до 04.02.2014 година извршиле вкупно 12 тешки кражби од кои една во куќа, а 11 во деловни објекти.
Кражбите ги вршеле со употреба на погоден алат и по насилно отварање на влезните врати влегувале во објектите од каде одземале пари, техничка стока и прехрамбени производи кои потоа ги продавале на трети лица, а добиените пари ги трошеле за свои потреби, се вели во соопштението на МВР.
Со Судска наредба биле извршени претреси во нивните домови и помошни простории, при што биле пронајдени и одземени дел од предметите кои се пријавени за украдени, а кои повторно ќе им бидат вратени на оштетените сопственици.
Од страна на полициските службеници од ККР Центар во тек е докажување и документирање на нивна инволвираност и во други пријавени случаи на кривични дела – “тешки кражби“.
По целосно документирање, од страна на СВР Скопје до ОЈО Скопје ќе бидат поднесени соодветни поднесоци.
Малолетниците и претходно и биле познати на службата бидејќи повеќе пати биле кривично пријавувани за сторени кривични дела од областа на имотните деликти./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Липково ја удрило струја додека чистела во двор

Жена од Липково ја удрило струја додека чистела во дворот на нејзината куќа.
Вчера во 12.23 часот во СВР Куманово, од Општа болница Куманово било пријавено дека кај нив во бессознание била донесена А.Ф.(36) од село Матејче, општина Липково. Според пријавеното, таа се здобила со повреди од струен удар додека чистела во дворот од семејната куќа, во близина на машина која била во дефект. Увид бил извршен.
Црна хроника
Полицаец издавал кога ќе има полициски и финансиски контроли по казина и локали

Одделот за внатрешна контрола, криминалистички истраги и професионални стандарди при МВР до надлежното обвинителство поднесе кривична пријава против З.С., полициски службеник во Тетово поради основано сомнение дека сторил кривично дело „оддавање на службена тајна“, предвидено и казниво по член 360 став 1 од Кривичниот законик.
Пријавениот како службено лице – полициски службеник во 2023 и 2024 година прибавувал податоци што претставуваат службена тајна на начин што имал увид во билтенот за дневни настани на МВР и анекс планови за планирани акциски контроли и активности по казина и угостителски објекти планирани и преземени од полициски службеници од СВР Тетово, УЈП, ДПИ и ДИТ.
Прибавените податоци ги сторил достапни на физичко лице вработено во казино.
Црна хроника
Загина велосипедист на патот Прилеп – Битола

На 15.06.2025 околу 21 часот во Полициската станица Прилеп било пријавено дека на регионалниот пат Прилеп-Битола, патничко возило „рено“ со прилепски регистарски ознаки, управувано од Т.Д.(51) од с.Галичани, прилепско, удрило во М.Б.(49) од Прилеп, кој туркал велосипед.
Во несреќата со тешки телесни повреди се здобил М.Б., констатирани во Општа болница Прилеп, каде што подоцна им подлегнал на повредите. Лекар констатирал смрт, а увид извршила увидна екипа од ОВР Прилеп и јавен обвинител, по чија наредба, телото на починатиот било дадено на обдукција.