Галатасарај е блиску до реализација на нан трансферот на играчот од средниот ред на Манчестер сити, откако Пеп Гвардиола му дозволи на ветеранот да го напушти клубот.

34-годишникот се врати на „Етихад“ минатото лето по престојот во Барселона, но со повторното реконструкција на средниот ред на Гвардиола, Гундоган сега изгледа подготвен за ново заминување, а преговорите со турскиот клуб се во напредна фаза.

„Галатасарај е во сериозни преговори со претставниците на Гундоган и веќе ја испрати својата прва понуда“, објави трансфер инсајдерот Фабрицио Романо.

Гундоган сè уште ја разгледува понудата, но сериозно размислува за преселба во Истанбул.

Преодниот рок во Турција трае до 12 септември.

Гундоган беше еден од клучните играчи на Гвардиола во походот на шампионските титули. Одигра над 350 настапи за време на неговите два мандати во клубот.

Претходно, Галатасарај го ангажираше Виктор Осимен, кој беше платен 75 милиони евра, 33 милиони евра беа издвоени за Угурџан Чакир, а околу 31 милион евра за Вилфрид Синг. Клубот дополнително го засилија Исмали Јакобс, Пжемислав Франковски и Лирој Сане.

Foto/ EPA

Ливерпул, последниот ден од преодниот рок го донесе Александер Исак, но не успеа да го реализира трансферот на Марк Гуеи и покрај тоа што капитенот на Кристал Палас ги мина медицинските прегледи на „Енфилд“.

Трансферот пропадна бидејќи Кристал Палас не успеа да донесе замена за Гуеи. Во ситуација кога клубот не донесе замена за Гуеи, менаџерот Оливер Гласнер се закани со оставка доколку капитенот биде продаден во Ливерпул.

Интересно, Кристал Палас подготви проштално видео за својот капитен, кој помина медицински прегледи во Мерсисајд и го помина попладнето со претставници на англиските шампиони. Тој беше воодушевен од можноста што му се укажа, шансата да ја подигне својата кариера на највисоко можно ниво.

Парите од трансферот на Гуеи (околу 40 милиони евра) Палас требаше да ги инвестира во дефанзивецот на Брајтон, Игор, но Бразилецот во последен момент ја смни одлуката и ја прифати понудата од Вест Хем.

Откако Ливерпул не успеа да го донесе Гуеи, пропадна и трансферот на Џо Гомез во Милан, бидејќи „црвебите“ ќе останеа само со тројца стопери доколку се реализираше таа зделка.

Foto/ „X“

Легендарниот напаѓач, Џејми Варди ќе игра едно од последните поглавја од својата кариера. За прв пат тој ќе игра во странство. Дестинацијата е многу романтична, во согласност со неговата животна приказна.

Имаше многу гласни приказни за фактот дека иконата на Лестер и Премиер лигата ќе потпише за Кремонезе пред крајот на преодниот рок, а сега сè е официјално. Варди ќе го носи дресот на повратникот во Серија А следната сезона, и ќе се обиде да придонесе за остварување на целта, опстанок во елитата.

Фудбалерот од Шефилд одигра 500 натпревари за својот сакан тим Лестер, со напаѓачки настап од околу 200 гола и 71 асистенција. Тој ги освои и ФА Купот и Комјунити Шилд, стигна до четвртфиналето на Лигата на шампионите и беше најдобар стрелец на англиската елита на 33 години, најстар во историјата. Кулминација на неговата кариера беше во 2016 година кога Лестер сензационално ја освои Премиер лигата.

Тој го имаше своето деби за Гордиот Албион на 28 години, а осум пати ја погоди мрежата во 26 настапи. Тој исто така настапи на Европското (2016) и Светското (2018) првенство.

Сиво-црвените брилијантно влегоа во новата сезона, со две победи над Милан (2:1) и Сасуоло (3:2).

Foto/ U.S. Cremonese, X screenshot