Црна хроника
Возачот на автобусот е обвинет за тешката сообраќајна несреќа кај Велес
Основното јавно обвинителство Велес до Основниот суд во Велес поднесе обвинение против 50-годишниот возач на автобусот во врска со тешката сообраќајна несреќа што се случи пред две години.
„На 20 август 2017 година обвинетиот управувал со автобусот ‘неоплан’ со скопски регистарски ознаки, во сопственост на компанијата ‘Бус травел’ – Скопје, движејќи се по автопатот А1, делница Велес – Скопје, по средната коловозна лента. Околу 18.50 часот дошол до местото наречено Пуста Кула, 4,8 километри по наплатната станица Отовица, и притоа, спротивно на одредбата од членот 29 од Законот за безбедност на сообраќајот на патиштата, не се движел по средината од коловозната лента на која се наоѓал и не ги држел страната и правецот на движење.
Во тој момент почнал да се движи во лево преминувајќи на левата коловозна лента по што излегол од коловозот и удрил во заштитната метална ограда, се одвоил од неа и продолжил да се движи по нерамен терен, се превртел на левата страна и застанал на земјената површина“, велат од Обвинителството.
Како последица на сообраќајната несреќа, 14 патници добија телесни повреди, 13 добија тешки телесни повреди, а двајца од тешкоповредените подоцна починаа.
За возачот во сила се мерки на претпазливост за кои надлежниот јавен обвинител предложи да бидат продолжени бидејќи и натаму постојат законските основи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.