Црна хроника
Челник на оддел против дроги фатен со хероин во Русија
Челникот на руската полиција за борба против наркотиците во југозападен Сибир е уапсен поради продавање хероин, соопштија во понеделникот локалните истражни органи.
Полицискиот функционер бил уапсен на 2-ри октомври во близина на еден трговски центар во градот Омск, во моментот кога продавал доза на зависничка со хероин и „значителни количества“ пари од продажбата, се вели во соопштението на полицијата, пренесено во руските медиуми.
При претресот на домот и на канцеларијата на полицискиот полковник, исто така, била пронајдена дрога којашто е запленета.
Истражните органи се посомневале дека началникот влегол во нелегални дејствија, откако добиле информации од корисник. Полицаецот, наоѓајќи се на позицијата бил во можност да дојде до секаква стока и до базата на клиенти во областа, односно ги имал податоците за сите зависници и нивната платежна способност. Според клиентот на полковникот, тој од него подолго од една година купувал дрога, бидејќи бил убеден дека полицаец на таква висока позиција ќе го измами.
Началникот, пак, се бранел дека е жртва на местење и пресметка со него, бидејќи бил познат како бескомпромисен и непоткуплив борец против трговците со дрога. Тврдел дека за време на апсењето бил сурово претепан а хероинот и означените пари му биле ставени насила во рацете. Доколку се докаже неговата вина, му се заканува 15-годишна затворска казна./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Судир меѓу две возила на „Цветан Димов“, скопјанец е тешко повреден
Скопјанец е тешко повреден во судрир меѓу две возила во Скопје.
– На 30.04.2024 во 12.35 часот во СВР Скопје било пријавено дека на ул.„Цветан Димов“ во Скопје се случила сообраќајна несреќа помеѓу патничко возило „форд“, управувано од Ј.Р.(51) од Скопје и патничко возило „фолксваген“, управувано од Б.Р.(67) од Скопје, двете со скопски регистарски ознаки. Во несреќата со тешки телесни повреди се здобил Б.Р., констатирани во Градската општа болница „Св.Наум Охридски“, информираа од полицијата.
Црна хроника
Удрена пензионерка во Скопје, со тешки повреди е пренесена во болница
Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје.
Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.
Црна хроника
Претрес во Стојаково, пронајдена дрога, приведено едно лице
Вчера во 16.10 часот во село Стојаково, општина Богданци, полициски службеници од ОВР Гевгелија го лишиле од слобода В.К.(30) од село Стојаково.
При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава.