Црна хроника
Управител во АД ЕЛЕМ ја оштетил компанијата за седум милиони денари

Управител на фабриката за опрема и делови „ФОД“ Дооел Новаци – АД Елем Скопје незаконски склучил договор за јавна набавка и ја оштетил компанијата за над седум милиони денари.
Против него е поднесена кривична пријава за сторено кривично дело „злоупотреба на службената положба и овластување“, соопшти Министерството за внатрешни работи.
Битолчанецот А.П. (37), во својство на управител на фабриката за опрема и делови „ФОД“ Дооел Новаци, АД ЕЛЕМ Скопје, ја искористил својата службена положба и овластување и спротивно на Законот за јавни набавки на 11-ти септември склучил Рамковен договор со „Технопродукт“ Дооел Гевгелија, по објавен јавен оглас од април 2012 година за набавка на гумени елементи за валци.
Иако предметната постапка за јавната набавка била обжалена и не била завршена, а Државната комисија за жалби по јавни набавки со решение ја поништила набавката, пријавениот А.П., наместо да го раскине незаконски склучениот договор, со пречекорување на границите на своето службено овластување, дозволил да се изврши реализација на склучениот договор.
Со таквата постапка, управителот ја оштетила компанијата за вкупно 7.060.727 денари.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен 30-годишник од Скопско поради тешка кражба, одреден му е притвор

На 14.10.2025 часот во 17:30 часот во трговски центар на подрачје на Карпош во Скопје полициски службеници од СВР Скопје го лишија од слобода 30-годишниот М.А. од село Глумово, скопско поради извршено кривично дело „тешка кражба“ по член 236 од Кривичниот законик на Р.С.Македонија.
Лицето по насока на Јавен обвинител беше задржано во Полициска станица и по комплетирање на доказниот материјал во координација со ОЈО Скопје истиот на 15.10.2025 година е изнесен пред судија на претходна постапка, при што му е одредена мерка притвор.
Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.