Свет
Израелски пиварници во контроверзен скандал поради шише со ликот на Ганди
Индиска активистичка група жестоко реагираше откако две израелски пиварници употребиле карикатура на Махатма Ганди како дел од својата рекламна кампања, тврдејќи дека пиварниците го претвориле антиалкохолниот крстоносец во маскота, пренесува РТ.
Создадено како заеднички проект на израелските пиварници „Малка“ и „Негев бирс“, контроверзното шише беше вклучено во кутијата за одбележување на Денот на независноста на Израел. Комплетот содржи шишиња со ликовите на различни историски личности за различни видови пиво, вклучувајќи и карикатура на Ганди со очила за сонце и шарена маичка.
Еби Џ. Хозе, претседател на Националната фондација „Махатма Ганди“, со седиште во Керала, рече дека со карикатурата се исмева лидерот на независноста и поднесе писмени жалби до индискиот премиер Нарендра Моди и до неговиот израелски колега, Бенјамин Нетанјаху, надевајќи се дека ќе покренат правна постапка против пиварниците.
„Чинот на етикетирање на шишето алкохол со неговото име и лик е одвратен и непристоенво најмала рака”, пишува во писмото до Нетанјаху, додавајќи дека производителот се однесувал недемократски, неетички и неморално.
Активистот вели дека прво го забележал шишето во онлајн видео објавено од Индиец кој работи во Израел.
„Бев шокиран кога го видов на шанк, држејќи пивско шише со изобличен лик на таткото на индиската нација. Тој го објави видеото со чувство на повреденост како и јас, и сигурен сум дека милиони гандијци во светот се длабоко повредени“, изјави Хозе.
Освен борбата против британското владеење во Индија, Ганди исто така беше жесток критичар на алкохолизмот и се залагаше за апстиненција, поради што Жозе вели дека пивото е дополнителна навреда .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.