Црна хроника
Убиец во САД погубен со нова смртоносна инјекција
Осуденик на смрт поради убиство и силување е погубен во четвртокот со инјекција со ново средство за усмртување коешто првпат е користено, но според очевидците изгледало дека во текот на погубувањето се грчел и се обидувал да дојде до воздух.
Денис Мегваер, 53-годишник, беше осуден на смрт поради силување и убиство на жена во седмиот месец од бременост во 1989 година, и е третиот осуденик погубен во САД годинава.
На Мекгваер му била инјектирана комбинација од седативот мидазолам и средство против болки хидроморфон кои американската сојузна држава Охајо ги воведен како алтернативно средство во случај да не може да дојде до пентобарбитол чијшто произведувач вложи приговор поради неговото користење при погубувањата.
Мегваер бил прогласен мртов во 10.53 часот по локални време, а репортерот на локалниот весник кој сведочел на погубувањето пренесе дека во 10.29 часот изгледало како осуденикот дека ќе заспие, но во 10.35 часот се чинело како да е без свест, почнал да се грчи се обидувал да земе воздух.
Во текот на постапката, Мекгваер неколкупати реагирал и неговата уста постојано се отворала и затворала, пренeсува Associated Press чиј репортер исто така присуствувал на погубувањето. Адвокатот на осуденикот рекол дека лекот предизвикал недостиг од воздух, како феноменот кој предизвикува паника кај пациентот кој се бори да земе здив.
Портпаролката на државниот затвор во коешто е извршено погубувањето, Џо Елејн Смит, не сакала за Reuters да го коментира описот на извршувањето на смртната казна што го опишал репортерот.
Инаку федералниот судија на Охајо во последен момент го отфрлил барањето на адвокатскиот тим на Мекгваер за одложување на смртната казна, кој тврди дека поротата никогаш не ги слушнала деталите за неговото, наводно, тешко и проблематично детство. Според адвокатите, бил злоставуван, што довело до оштетување на мозочните фунцкии што го направило склон кон импулсивни постапки.
Гувернерот на државата Охајо, Џон Касич, исто така ги отфрли напорите на Мекгваер да стане донор на органи, правен маневар кој претходно му беше дозволен на друг осуденик на смрт кој доби осуммесечно одложување на извршувањето на пресудата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.