Меѓународните инспекции досега не регистрирале никакво нарушување од страна на Русија, вклучително и непријавени воени активности на границата со Украина, изјави во неделата портпаролот на руското министерство за одбрана, генерал-мајорот Игор Конашенков кој ги повика САД разузнавачките информации за руската армија да не ги земаат од социјалните мрежи.
 

Меѓународните инспекции досега не регистрирале никакво нарушување од страна на Русија, вклучително и непријавени воени активности на границата со Украина, изјави во неделата портпаролот на руското министерство за одбрана, генерал-мајорот Игор Конашенков кој ги повика САД разузнавачките информации за руската армија да не ги земаат од социјалните мрежи.

Како што пренесува РИА Новости, генералот Конашенков со оваа изјава всушност одговора на изјавите на американскиот амбасадор во НАТО, Даглас Лиот и портпаролката на Стејт департментот на САД, Мари Харф, во врска со наводната концентрација на „околу 15 илјади руски војници“ по должината на границата со Украина, каде што веќе четири месеци украинската армија ја спроведува ткн „антитерористичка“ операција чијашто цел е да ја поврати контролата на прозападните власти во Киев над источните региони каде што се концентрирани проруските бунтовници.

Според него, во текот на последните четири месеци руските погранични области со Украина во рамките на Виенскиот документ од 2011 година и Договорот за Отворено небо ги посетиле 18 меѓународни инспекции. Во составот на овие инспекции, покрај претставници на САД и НАТО, имало и воени инспектори од Украина. Овие групи извршиле и набљудување од воздух на посочените региони, а ги посетиле и воените единци коишто ги интересирале.

„Како резултат на работата на овие инспекции, не е регистрирано никакво нарушување или ненајавена воена активноста од страна на Русија во пограничните области со Украина“, изјави Конашенков.

„За да се разјасни ситуацијата, сметаме дека е неопходно уште еднаш да ги потсетиме прекуокеанските (од САД) колеги дека покрај социјалните мрежи, од коишто тие денес како што е очигледно ги добиваат најголемиот дел од разузнавачките информации за руските вооружени сили, постојат и други извори на информации, чијашто веродостојност не се доведува во прашање“, иронизира во изјавата портпаролот на министерството за одбрана на Руската Федерација.

Истовремено, продолжува Конашенков, активните борбени дејствија на украинската армија во пограничните региони со Русија не дозволуваат да се извршат слични инспекции од воздух и над областите близу границата на територијата на Украина.

„Министерството за одбрана на Русија е убедено дека резултатите од официјалните инспекции на споменатите региони таму (во Украина) би регистрирале голема концентрација на украински војски, оружје и воена техника, коишто постојано ги гаѓаат населбите на руска територија што веќе предизвика смртни и случаи на ранувања на наши граѓани“, додаде Конашенков потсетувајќи на неколку случаи на артилериски гранатирања и минофрлачки оган од украинска територија, при што претходно во јули во истоимениот руски град Донецик во Ростовската област загина еден маж а две жени беа ранети./крај/мф/сн

Извор: РИА Новости