Насер Рауфи, адвокатот на првообвинетите во случајот „Монструм“, Алил Демири и Африм Исмаиловиќ тврди дека и двајцата имале косовско државјанство пред да се случи петкратното убиство кај Смилковското езеро и покрај дописот на косовското министерство за внатрешни работи до весникот Вечер дека Демири и Исмаиловиќ немаат косовски државјанства.

„Неофицијално двајцата поседуваат косовско државјанство, јас тоа го дознав од семејствата, но не знам точно од кога поседуваат“, изјави Насер Рауфи кој вели дека е во постојан контакт со косовските институции и со двајцата обвинети.

За дописот од косовското министерство за внатрешни работи, Рауфи смета надлежните мислеле на тоа дека обвинетите во последниот период немале извадено државјанство и поради тоа испратиле таков одговор.

Со ова останува неизвесно дали двајцата обвинети за убиството кај Смилковското езеро ќе бидат екстрадирани во Македонија да им се суди, откако од Косово минатата седмица дојдоа различни информации за тоа дали Демири и Исмаиловиќ имаат косовски државјанства.

Покрај дописот од косовското министерство за внатрешни работи, министерот за правда на Косово, Хајредин Кучи за регионалниот портал Сетајмс изјави дека Косово не екстрадира свои граѓани.

Во понеделник продолжи судењето за петкратното убиство. Пред судот сведочеа братучеди на првообвинетиот Демири и Хаки Азири.

Тие го раскажаа истото што го раскажа и Хаки пред судот. Според него, на 12-ти април, вечерта кога се случи грозоморното убиство, Демири и Азири отишле кај нивниот братучед Џевад Азири  и таму играле шах, па друштвена игра „океј“ до 4 часто сабајле.

Вечерта на интернет виделе дека се случило петкратно убиство и на интернет пребарувачот Google барале каде точно се наоѓа Смилковското езеро.

Се очекува на следните рочишта да сведочи и Диме Весков, затвореник од Идризово, кој според пишувањата на дел од медиумите тврдел дека црвениот „опел“ бил на алфите и дека го препознал бидејќи бил приведен со тоа возило./крај/мф/фф