Спорт
Ѓоковиќ по „војната“ со фановите повторно во финалето на Вимблдон (видео)
Новак Ѓоковиќ ќе ја брани својата титула од Вимблдон, откако успеа да го совлада упорниот Шпанец Роберто Баутиста Агут со 6:2/4:6/6:3/6:2 во меч одбележан со неговата лутина откако навивачите на „Централниот терен“ очигледно се ставија на страната на Шпанецот.
Ѓоковиќ рутински го освои првиот сет од мечот со 6:2, но во вториот Баутиста Агут покажа дека не е случајно во полуфиналето на Вимблдон, успевајќи да направи клучен брејк и да го земе сетот, по што Србинот саркастично реагираше на поддршката која ја доби неговиот противник.
@DjokerNole REALLY doesn’t like when the crowd cheers his opponent! Come on @BautistaAgut #wimbledon #Wimbledon2019 #djokovic pic.twitter.com/dDX3aL4Uvr
— Drivetime Wednesdays 5pm -7pm Sunny Govan 103.5 FM (@wmurray1077) July 12, 2019
Ова како уште повеќе да го мотивираше светскиот број 1, кој ги освои следните два сета релативно лесно и стигна до своето шесто финале на Вимблдон, каде што ќе ја брка петтата титула на турнирот и вкупно 14. гренд слем титула.
Сега и тој може опуштено да го следи мега-полуфиналето помеѓу Роџер Федерер и Рафаел Надал за да го дознае својот противник за финалето.
Novak Djokovic takes the third set of his #wimbledon semi-final 6-3 against Roberto Bautista Agut despite hushing the crowd after a gruelling 45-shot rally pic.twitter.com/DPdfoJDbzW
— AFP Sport (@AFP_Sport) July 12, 2019
Back in front…
Defending champion @DjokerNole is just one set away from a 25th Grand Slam final after winning the third 6-3#Wimbledon pic.twitter.com/hSfwMuWTW0
— Wimbledon (@Wimbledon) July 12, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ и Мусети играа до три сабајле – Светскиот број 1 победи во пет сета
Новак Ѓоковиќ и Лоренцо Мусети одиграа спектакуларен меч во третото коло на Ролан Гарос. Мечот траеше четири часа и 29 минути, заврши во три часот и седум минути. Ѓоковиќ славеше со 7:5, 6:7, 2:6, 6:3, 6:0.
„Ова е можеби мојот најдобар меч во кариерата на Ролан Гарос“, рече Ѓоковиќ по победата над Мусети.
Поради пренатрупаниот распоред, мечот започна два часа подцна од предвиденото во 22:35 часот. Оние кои останаа, а ги имаше доста присуствуваа на најдобриот меч во досегашниот тек од турнирот.
Блескаше Мусети, спаси сет топка за предност на Ѓоковиќ 2:0, го освои сетот изедначи на 1:1, а потоа во третиот сет издоминира против свеетскиот број 1. На крајот третиот сет Мусети имаше 12 винери повеќе и 10 неизнудени грешки помалку.
Но Мусети потона по 2:2 во четвртиот сет. Веројатно клучниот момент се случи при резултат 40:30, кога Италијанецот направи дупла грешка, а потоа Ѓоковиќ направи брејк.
Тука играта на Мусети се распадна, до крајот на мечот тој освои само еден гем, а Ѓоковиќ 10.
Противник на Ѓоковиќ во четвртото коло ќе му биде Аргентинецот Франсиско Серундоло.
Спорт
Дон Карло, апсолутен рекордер во Лигата на шампионите
Тренерот на Реал Мадрид, Карло Анчелоти стана најтрофејниот тренер во историјата на Лигата на шампионите.
На „Вембли“, петти пат во кариерата стана европски првак. Реал во финалето ја победи Борусија Дортмунд со 2:0.
Дон Карло трипати го освојуваше овој трофеј со Реал, а уште два пати со тимот на Милан.
По натпреварот тој имаше интересна изјава за тоа како ќе го прослави овој апсолутен рекорд и уште еден трофеј во низа.
„Ќе славам во карактеристичен стил, со уште една пура на плоштадот Цибелес во Мадрид“, беше одговорот на Анчелоти во изјавата за шпански „Мовистар“.
Секако, имаше и неколку зборови за самиот натпревар.
„Малку го турнавме Винисиус понапред, бидејќи во првото полувреме бевме малку мрзеливи, ја губивме топката. Играа како што сакаа, влегоа во многу опасни ситуации и многу опасно не нападнаа“, изјави Анчелоти.
Имаше што да каже и за Тони Крос кој со оваа титула се збогува од Реал Мадрид.
„Малку е тажно што Тони вака не остава. Но тој е на врвот на кариерата и тоа мора да се почитува“, заклучи Анчелоти.
Спорт
Модриќ е играчот со најмногу трофеи во историјата на Реал Мадрид
Лука Модриќ стана фудбалерот со најмногу трофеи во историјата на Реал Мадрид.
Реал ја победи Борусија Дортмунд со 2:0 на „Вембли“ во Лондон и ја освои Лигата на шампионите. Тоа е 15-та европска титула во историјата за „кралскиот клуб“.
Стрелци за Реал беа Дани Карвахал во 74. минута и Винисиус Жуниор во 83. минута.
Капитенот на Хрватска влезе во игра во 85. минута и го освои својот шетти пехар во ЛШ и на клупската листа се изедначи со Пако Хенто.
Воедно, ова е 26. титула за Модриќ во дресот на Реал, што значи дека тој е фудбалерот со најмногу трофеи во историјата на Реал.
Модриќ ги претекна поранешните соиграчи Карим Бензема и Марсело.
Актуелниот капитен на Реал, Начо Фернандеш е изедначен за првото место со Модриќ.
Модриќ стана и најстариот играч кој некогаш играл за Реал во финалето на Лигата на шампионите. Рекордот доаѓа од фактот дека Модриќ е најстариот играч на Реал во ЛШ воопшто.
Тој го собори овој рекорд во полуфиналето против Баерн, кога настапи на возраст од 38 години и 234 дена.
Модриќ е и играчот со најмногу настапи во финалето на ЛШ откако елитното натпреварување се игра во овој формат.
Тој по шести пат играше во финалето на Лигата на шампионите, што досега го имаат постигнато само Паоло Малдини и Кристијано Роналдо и неговите соиграчи Начо и Тони Крос.
Досега, со пет настапи во финалето, Модриќ беше изедначен со Бензема, Патрис Евра, Кларенс Сидорф и Едвин ван дер Сар.