Црна хроника
Полјаци украле автомобил во Скопје и ограбиле човек во Струга
Двајца полски државјани во саботата украле автомобил во Скопје и се упатиле кон Охрид. По неколку дена кај манастирскиот комплекс Калишта, му украле јакна на стружанец во која имало пари, мобилен телефон и лични документи, соопшти Министерството за внатрешни работи.
С.Ј.(23) и Ф.Д.Б.(20) на 29-ти март во Скопје украле автомобил „опел кадет” кое го забележале паркирано и необезбедено и се упатиле кон Охрид. По два дена, Полјаците застанале кај манастирскиот комплекс во Калишта и од повозрасен жител на Струга украле кожна јакна со 800 денари, еден мобилен телефон марка „самсунг” и лични документи.
По извршен претрес во апартманот во Охрид каде двајцата полски државјани биле привремено сместени, полицијата пронашла поголема количина на разни клешти, шрафцигери, алат за сечење стакло, „француски” клучеви и друг подесен алат.
На двајцата им е одредена мерка притвор во траење од 30 дена, а против нив се поднесени кривични пријави поради постоење основи на сомнение за сторени кривични дела дела „тешка кражба на дрзок начин” и „одземање на патничко моторно возило”.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.