Црна хроника
Запалено Ауди А8 со германски регистрации во Чаир
Возило Ауди А8 со германски регистрации запалена е во саботата изутрина додека било паркирано во скопската населба Чаир.
Во билтенот на МВР е забележано дека на 11.05.2013 година околу 04,00 часот во Скопје на ул.„Џ.Кенеди“ во паркирано ПМВ „Ауди А8“, со германска национална ознака, сопственост на М.Р.(1970), Непознат сторител подметнал пожар, на тој начин што го отворил стаклото од предната десна врата и во внатрешноста на возилото испрскал запалива материја, а потоа преку отворот во возилото фрлил парче од плетена ракавица, најверојатно, натопено со запаллива течност, по што се оддалечил во непознат правец. Од страна на сопственикот пожарот е изгаснат. При пожарот оштетен е тапацирот од предната десна врата и страничниот десен дел од предното десно седиште, како и исчадена е целата внатрешност од возилото.Увид на лице место извршила екипа од СВР-Скопје. Материјалната штета дополнително ќе биде утврдена. Се преземаат мерки за пронаоѓање на сторителот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Деца ограбиле деца со нож во Скопје, МВР ги фати
Полицијата вчера приведе четворица малолетници од Скопје.
Тие се сомничат дека околу 22.00 часот на подрачјето на Центар со закана со остар предмет од двајца други малолетници одзеле пари.
Со малолетниците бил извршен службен разговор, а парите биле пронајдени и ќе бидат вратени на сопствениците.
По целосно документирање на случајот, против нив ќе биде поднесена соодветна пријава.
Топ
Тешка сообраќајна несреќа кај Влае – има повредени, едното возило преполовено
Тешка сообраќајна несреќа се случи утрово на булеварот Партизански одреди во скопската населба Влае.
Во несреќата учествуваа две возила, од кои едното е преполовено од силата на ударот.
Според информациите од МВР, со возилата управувале 32-годишна скопјанка и 27-годишник, и двајцата од Скопје.
Во несреќата со тешки телесни повреди се здобила жената, констатирани во Комплекс клиники „Мајка Тереза“. Додека другиот возач и неговиот сопатник се здобиле со телесни повреди.
За настанот бил известен јавен обвинител, а увид извршила увидна екипа од СВР Скопје.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.